داوین رەوشا میدانی ل دەڤەرێن كێمكرنا ئاستا شەر لسوریێ

داوین رەوشا میدانی ل دەڤەرێن كێمكرنا ئاستا شەر لسوریێ

Jun 23 2021

ارك نيوز .. هێزێن رێژیما ئەسەد ب پشتەڤانیا روسیا خالەكە لەشكەریا توركی لگوندەوارێ ئدلبێ تۆپباران كر و د ئەنجامێ دە هەژمارەك لەشكەلارێن توركی برینداربوون .

چالاكڤانێن دناڤا ئدلبێ دە راگهاندن كو ئیرۆ چەكدارێن ریژیما ئەسەد ب تۆپان خالەكە لەشكەری یا توركی لباژارۆكێ كنسفرە لگوندەوارێ ئدلبێ تۆپباران كر و د ئەنجاما وی ئیریشی دە سێ لەشكەرێن توركی برینداربوون .

هەمان ژیدەرێ دیاركر كو پشتی ئارمانجكرنا رێژیمێ ژ خالا توركی رە لگوندەواری ئدلبێ ، تۆپخانەیا توركیێ بەرسڤا وێ ئێریشێ دا و چەندین بارەگەهێن ریژیمێ لباشورێ گوندەواری ئدلبێ كرنە ئارمانج ، و د ئەنجامێ دە هەژمارەك چەكدارێن رێژیمێ هاتن كوشتن وبرینداربوون .

بەریا نها وەزارەتا بەرەڤانیا توركیێ كوشتنا لەشكەرەكی خوە و برینداربوونا چار لەشكەرێن دن د ئەنجاما ئارمانجكرنا ئالاڤەكە لەشكەری یا توركی ل باژاری ئدلبێ راگهاندبوو .

ئەڤە سێ حەفینە و هێزێن ریژیما ئەسەد و روسیا د بنپێكرنا رێكەفتنا راوەستاننا شەر ل دەڤەرێن كێمكرنا ئاستێ شەر دە لسوریێ بەردەوامن و د ئەنجامێ دە رۆژانە سڤیل تێنە كوشتن وبریندار دبن .
لگۆری ژیدەرێن خوەجهی راگهاندنە كو ئیرۆ چارشەمی چەكدارێن رێژیمێ ب تۆپان دەردۆرا باژارێ ئەریحا ، و گوند و باژارۆكێن البارە ، كنسفرە ، احسم ، اۆرم الجۆز و سفوهن و هن باژارۆكێن دن لباشورێ گوندەوارێ ئدلبێ تۆپباران كرن ، و د ئەنجامێ دە ژنەك هاتە كوشتن و چەندین كەسێن دن كو زارۆك ژی دناڤ واندە هەنە برینداربوون .

ل حمایێ ژی هەر یەك ژ باژاۆكێ تل واست ، والزیارە ، خربە الناقوس ل سهل الغاب لرۆژئاڤایێ گوندەوارێ حمایێ راستی تۆباران و بومبەبارانكرنێ ژ ئالیێ رێژیما ئەسەد ڤە هاتن ، و د ئەنجامێ دە هەژمارەك سڤیل بوونە قربانی سەرباری روودانا زیانێن مادی مەزن .

ژ ئالیێ خوەڤە ژی تیما هەڤرێزكارێن بەرسڤانێ لسوریێ د راپۆرتەكە خوە ئەشكەرە كر كو ژ دەستپێكا مەها حزێرانی چەكدارێن رێژیمی و بالافرێن شەركەر یین روسی بیهتر ژ سیسەد و هەیشت ئێریش ئەنجام دانە و بوویە سەدەما كوشتنا بیهتر ژ سیه و حەفت سڤیلی كو پێنج زارۆك و شەش ژن ژی دناڤ واندە هەنە .


278