داوین ئامارێن كۆرۆنا ل سەرانسەری سوریێ

ارك نیوز ... ژ دەما بەلاڤبوونا نەخوەشیا كۆرۆنایێ لسەرانسەری جیهانی و تا رۆژا ئیرۆ ، رۆژ ب رۆژ و ئامارێن كۆرۆنایێ لسەرانسەری سوریێ بەرب زێدەبوونێ ڤە دچە چێ ل ناڤچەیێن كوردی لرۆژئاڤایێ كوردستانێ بە و چێ ژی ل دەڤەرێن دبن كۆنترۆلا رێژیم و ئۆپۆزسیۆنا سوریێ بە كو حەتا نها هەژمارا گشتی یا پێكەتیێن كۆرۆنایێ لسەرانسەری سوریێ گهشتیە حەفتێ ویەك هەزار كەس دەرباس كریە .

ل رۆژئاڤایێ كوردستانێ رۆژ برۆژ و حالەتێن توشبوونێ تێنە تۆماركرن ، هەری داوی تۆماركرنا 39 حالەتێن توشبوونێ یێن نوو ب كۆرۆنایێ .

دەستەیا تەندروستیێ یا بسەر رێڤەبەریا پەیەدێ ڤە ئامارێن بیست وچار سەعێن بووری راگهاند كو ل رۆژئاڤایێ كوردستانێ 39 كەسێن دن بكۆرۆنا كەتنە ، 3 كەس ژی باش بوویە بێ تۆماركرنا تو حالەتێن ژیانژدەستدانێ.

هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتێن نوو یا توشبوونێ بكۆرۆنایێ هەژمارا گشتی ل رۆژئاڤایێ كوردستانی گهشتیە 18435 كەسان ژ وێ هەژمارێ 1861 كەس باش بوونە و 761 كەس ژی تا نها جانی خوە ژ دەست دانە .

ل ناڤچەیێن دبن دەستێ ریژیما ئەسەد دە ژی هەژمارا توشبوویان بیست وپێنج هەزار كەس دەرباس كریە

وەزارەتا تەندروستیێ یا ریژیما ئەسەد د داخویانیەكێ دە راگهاند كو د هەیاما بیست وچار دەمژمێرێن بوری دە 47 كەسێن دن ب كۆرۆنایێ كەتنە ، 3 كەسان چانێ خوە ژ دەست دانە ، 9 كەس ژی بتەمامی باشبوونە .

لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 25,205 كەسان ، ژ وێ هەژمارێ 21,756 بتەمامی باش بوونە و 1,851 كەس ژی جانێ خوە ژ دەست دانە .

و دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هشیاری و بەرسڤدانا نەخوەشیان راگهاند كو د بیست وچار دەمژمێرێن بووری دە 43 كەسێن دن بكۆرۆنا كەتنە ، ، 42 كەس باش بوونە و یەك كەس ژی مریە

لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 25,308 كەسان ، ژ وێ ژمارەیێ 21,164 كەس باش بوونە و 707 كەسان ژی جانێ خوە ژ دەست دانە .

281