ژبۆ سووريێ, رۆسيا تركيا و ئيران ل نيۆيۆركێ دجڤن
وهزارهتا دهرڤه یا توركیێ رێكهفتنا دناڤبهرا ئهنقهرا و مۆسكۆ ل سهر سینۆرێ دهڤهرا بێ چهك ل ئیدلبێ ئهشكهرهكر كو وێ بریار ل سهر دهستنیشانكرنا وێ د جڤینان ده ل گهل بهرپرسێن روسیێ بێ ستاندن.
ئاژانسا ئهنادۆل یا توركیێ ل سهر زارێ وهزیرێ دهرڤه یێ توركیێ مهولوود چاووش ئۆغلۆ گۆت كو ئهوێ ل نیۆیۆركێ ل گهل ههڤشانێن خوه یێن روسی و ئهیرانی ژ بۆ گهنگهشهكرنا رهوشا سوریێ بجڤن, ئهو ژی د حهفتیا بێ ده.
بهردهڤكێ بناڤێ سهرۆكاتیا توركیێ ئیبراهیم كالین گۆت كو وهلاتێ وی ههڤرێزیێ ب روسیێ ره دكه ل سهر راگههاندنا دهڤهرهكه بێ چهك ل ئیدلبێ و دهرخستنا گروپێن چهكدار.
وهزارهتا دهرڤه یا توركیێ لدارخستنا جڤینان ل گهل شاندا روسیێ راگههاند كو د وان جڤینان ده سینۆرێ دهڤهرا بێ چهك ل پارێزگهها ئیدلبێ یا سوریێ هات دهستنیشان كرن.
وهزیرێ دهرڤه یێ توركیێ مهولوود چاووش ئۆغلۆ ئهشكهرهكر كو ئهوێ د جڤینهكه سێ ئالی ده ل نیۆیۆرك ل ئهمریكا لگهل ههڤشانێن خوه یێن روسیی و ئهیرانی رهوشا سوریێ گهنگهشه بكه.
ئۆغلۆ گۆت ژی كو یا پێویسته بێ كرن ل سوریێ گهرهنتیا ئاگربهستهكه بێ داوی یه و گوهدانهكه بهتر ب لههڤكرنا سیاسی.
692
