هونهرمهند جهمیل هۆرۆ – ژیانا هونهری وخهباتا سیاسی
آرك نيوز .. هونهرمهندێ ناڤدار جهميل رهشيد هۆرۆ ل سالا ههزار و نههسهد و سي و چاران ل گوندێ سهعرينجهكێ يێ سهر ب ناڤچهيا بلبلێ يا عهفرينا رۆژئاڤای كوردستانێ ژ دايك بوويه.
ژ بچووكانییا خوه ده مهرهقا وی سهر ستران وكلامان ههبوووهیدی هیدی ئهو مهرهق پێره مهزن بوو وبوو وهك ستوونهكه ژ ستوونێن هونهرمهندێن چیایێ كورمنێج ههروهها ل سهر ئاستا چار پارچه كوردستانێ دهنگێ وێ یێ چیایێ بهلافبوو .
جهمیل هۆرۆ سێ جاران ژیانا ههڤژینیێ پێكئانیه وژبهر بهرپرسیارهتیا مالباتی نهچار بوو كارهكی دن دبهر كارێ خوه یێ هونهری ره بكه وتهڤی رهوشا وی یا تهندروستی كارێ نهجاریێ دكر وپشتره كافتیریهك ل تاخا شێخ مهقسودا حهلهبێ بناڤێ قههوهیا جهمیل هۆرۆ ڤهكهر و وهكه رۆژا ئیرۆ ئهو قههوه ل شێخ مهقسود ناڤداره .
هونهرمهند جهمیل هۆرۆ راستی گهلهك ئهستهنگییان د ژیانا خوه ده هاتیه نهخاسم سالا 1973 سالا تهرۆركرنا كوری وی یێ بناڤێ حهنانێ 3 سالی كوتێ گۆمانكرن كو ب دهستێ پارتیا شیوعی ل عهفرینێ هاتبه پێكئانین وگهلهك باندۆر نهرێنی ل سهر وی كر.
هونهرمهندێ مهزن يهك ژ ئهندامێ پارتيا دديموقراتا كوردستان سوريا بوو و دناڤ پارتي ده كارێ خوه يێ سياسي بهردهوام دكر و ژبهر وێ يهكێ گهلهگ جاران راستي گرتن و لێدانێ هات ود دهما دهسههلاتاریا حكومهتا سووریێ ومسرێ 1958 ان ده سزهيا ههشتي روژي د زيندانێ ده دهرباسكر ب تهنێ ژبهر كو ئاگرێ نهوروزێ ل سهر چيايێ عهفرينێ ب سێ ههڤالێن خوه ره هلكرن و دادان .
و پشتي ژ زینداني دهركهت يهكسهر ژبۆ نوخوشخانهيا ئهلرازي يا حهلهبێ هاته ڤهگوههستن لێ پشتي كو پزيشكێن نهخوهشخانهيێ زانين كو كورده ئهو دهرمان نهكرن و ل مالا پزيشكهكي كورد هاته چارهسهكرن.
وژبهر ئاستهنگیێن بهردوام نهچار بوو بهرێ خوه بده دهرهڤهی عهفرینێ ول توركیێ دهمهكێ ژیان دهرباس كر وپشتره بهرێ خوه دا ههرێما كوردستانێ ول باژارێ زاخۆ ب جه بوو وژبۆ دهمهكه باش ل جهم پێشمهرگه عیسه سوار ما .
ول وێ دهرێ ههستێن وي يێن نهتهوي وههزر ورامان ل سهر رێبازا بارزانیێ نهمر ب هێزو زێده و مهزن بوون وب تایبهت پشتي كو نهمر ملا مستفا برزاني ل سالا ههزار ونههسد و و پێنجان ههشتان ڤهگهريا كوردستانێ .
سالا ههزار و نههسهد و حهفتي رێكهفتنا ئاشتيێ دناڤبهرا كوردان و حكومهتا عراقێ ده چێبوو جارهكه دن ڤهگهر كوردستانا سوريێ وكار وخهباتا خوه یاهونهری بهردهوام.
دهسپێكا ژيانا وي يا هونهري ب بهشداربوونا ل ئاهنگ و بونهيان دهستپێكر و د سالا ههزار ونههسهد و شێست و پێنجان ده يهكهم كاسێتا خوه توماركر و گهلهك ستران تێده گوتن وك مهمێ ئالان , فهتهح بهك ,عهيشا ايبێ, جهبهلي, لو باڤو, خهمێ زالم .
ههروهها گهلهك ستران د دهما ل توركيێ ب هونهرمهندا كورد يا باكورێ كوردستاێ عهيشا شان ره توومار كرن وسازڤانێ ناڤدار عارف ساغ ژ وان ره لێددا وژ سترانێن ل توركیێ هاتنه تۆماركرن وهك بهدهو سالح بهگ تهیار اغا
و ل قوناغا سيیهم گهلهك سترانێن نهتهوي گوتن و ب تايبهت ل سهر سهرۆك و سهركردهيێن شۆرهشا كوردي مينا برزانيێ نهمر ليلى قاسم شێخ سهعيد كهچا كوردان نهوروز پێشمهرگێ كورد و چهند سترانێن دن یێ نهتهوی وشۆرهشگێری.
جهميل هورو د گهلهك فهستێڤال و ئاهنگێن نهوروزێ ده بهشداربوويه كو د سالا ههزار ونههسهد و حهفتي و دويان ئاهنگها نهوروزێ ل گهل عارف جهزيري و سهعيد يوسف ل سينهمهيا رێڤولي ل لوبنانێ بهشداربوو.
ههروهها ل نهوروزهكه قامشلو ل گهل تيما خوه يا ديلانێ تيما عهفرين بهشداربوو و ستران ب مهحمود عهزيز و سهعيد يوسف ره گوتن و نهوروز خهملاندن .
هونهرمهندێ وهلاتپارێز سترانێن خوه يێن كلتوري و يێن نهتهوي نڤيسگهها سترانێن كوردي دهولهمهند وزێده كر و نهها وكه سونبلێ كوردستان سوريێ د سترانێن كلتوري و نهتهوي وڤهژاندنا وێ ده تێ ناسكرن .
د نوزدههێ مهها نههان د سالا ههزار ونههسهد و ههشتي و نههان د نهخوهشخانهيا ئبن ئهلرشد كوچا خوه يا داوي كر و د بيستێ مهها نههان ل مهزارا حهنان ل عهفرينێ ل جهم نهمر نوري دێرسمي ب خاك هات سپارتن .
ش.ع
1141
