پ ي د مهغموري و سهلۆميان ل دێركێ خهلات دكه
ل باژارێ دێركێ یێ رۆژئاڤایێ كوردستانێ ئهسایشا پهیهدێ مهغموری و سهلۆمیان خهلات دكه و وان قهت ناشینه شهران.
ژێدهرهكی تایبهت ژ باژارێ دێركێ كو نهخوهست ناڤێ وی وهره ئهشكهرهكرن ژ ئاركێ ره ئهشكهرهكر كو دهما ئهسایشا پهیهدێ تهڤلی شهرهكی دبه یان گرووپهكه پشتهڤانیێ دشانت ناڤچهیێن شهر نهخاسم یێن دهرڤهیی رۆژئاڤایێ كوردستانێ, ئهندامێن خوه یێن مهغمووری و سهلۆمی ل باژارێ دێركێ دهشتن و ئهو نهدبرن شهر.
ل گۆری وێ ژێدهرێ كو ژ دهستپێكا ئاڤاكرنا پهیهدێ ژ ئهسایشا خوه ره, ب سهدان جوانێن عهرهبێن غهمر و یێن سهلۆمی تهڤلی خوه كرنه, و ان داتینه سهر رێبهندێن دێرك و گوندهوارێ وێ و كارێن لناڤا باژێر و قهت وان ناشینه شهر.
ههر ل گۆری وێ ژێدهرێ كو ب سهدان ئهندامێن ئهساشیا پهیهدێ یێن كورد د شهرێن دهرڤهی رۆژئاڤایێ كوردستانێ شههیدبوونه, د بهرامبهر ده ئهندامێ وێ ئهسایشێ یێن مهغمووری و سهلۆمی مووچهیێ خوه وهردگرن و ژبۆ تو شهران نهدهاتن شاندن.
ل دهڤهرا دێركێ یا رۆژئاڤایێ كوردستانێ ههردوو گوندێن زهێرییً و ئهحمهدیێ كو بگوندێن سهلۆمیان تێنه ناسكرن كو سهردهمێ یهكیتیا عهرهبی ناڤبهرا سووریێ و مسرێ ده هاتنه ئاڤاكرن, خهلكێن وان گوندی ژ عهرهبێن سوێدا دهرعا ئدلب و حهمایێ نه, ههروهها گوندێن غهمر ژی د چارچۆڤهیا پرۆژهیا زنارا عهرهبی ده هاتنه ئاڤاكرن كو چل و سێ گوندن, و تا وهكه ئیرۆ ژی ئهو گوند كو وهكه داگیركهه دناڤا كوردان ده تێنه ناسكرن, هین ئاڤانه, و خهلكێن وان گوندان ل ناڤچهیێن رۆژئاڤایێ كوردستانێ كارێ خوه ب سهربهستی و بهرفرههی دكن و تهڤلی ئهسایش و كۆمێن و ههموو دهزگههێن پهیهدێ بوونه.
615
