د سالا 2021 دە ئسرائیل 8 جاران خاكا سوریی ئارمانج كریە

ارك نيوز .. رەوانگەها سوری یا مافێن مرۆڤان راپۆرتەك دەرباری ئیرێشێن ئارتێشا ئسرائیلێ دناڤا خاكا سوریێ دە بەلاڤ كر و تێدە راگهاند كو ئارتێشا ئسرائیلێ د هەیاما سەد رۆژی دە كاریە هەیشت جاران خاكا سوریێ بكە ئارمانج .

لگۆری شۆپاندنا رەوانگەها سوریێ یا مافین مرۆڤان ژ تەڤایا ئێریشێن ئسرائیلێ یێن كو هاتنە ئەنجامدان رە دناڤا خاكا سوریێ كو د دەستپیكا سالا نوو دە و تا نها بالافرێن شەركەر یێن ئسرائیلی كاریە هەیشت جاران ئێریشان دناڤا خاكا سوریێ دە پێك بینە و د ئەنجاما وان ئێریشان دە دەردۆرا سیه ئارمانج ژ ئاڤاهی و عەمبارێن چەكان و بارەگەه و ئالاڤێن لەشكەری هاتنە ئارمانجكرن و روخاندن ، سەرباری كوشتنا چار وەلاتیێن سڤیل كو زارۆك ژی دناڤا وان دە هەبوون ، و كوشتنا حەفتێ و دوو چەكداران .

ئێریشێن كو هاتنە ئەنجامدان ژ ئالیێ بالافرێن ئسرئیلێ ڤە لسوریێ لگۆری راپۆرتا رەوانگەها سوریێ یا مافین مرۆڤان ئەوژی ب ڤی ئاوایی یە :

یەكەم ئێریش ل رێكەفتا شەشێ چلەیا دووهەزار وبیست ویەكێ بوو وتێدە بالافرێن شەركەر یێن ئسرائیلی كەتیبیا الرادار لباژارۆكێ الدۆر لگوندەوارێ سوێدایێ و باراگەهێن بسەر مێلیسێن ئیرانێ و حزب اللاها لبانی و یین رێژیما ئەسەد ل دەڤەرا الكسوە كرە ئارمانج .

ئێریشا دووێ ل رێكەفتا شازدهێ چلەیێ بوو كومەزنترین ئێریش بوو ژ ئالیێ زیانێن جانی ڤە كو ئسرائیل چەندین باراگەهێن بسەر رێژیم و ومێلیسین بسەر ئیرانێ ڤە لگوندەوارێ دێرا زۆرێ بومبەبارانكرن كو د ئەنجامێ دە پێنجی و حەفت چەكدا هاتن كوشتن سەرباری تێكبرنا عەمبارێن چەكان و ئالاڤێن لەشكەری .

ل رێكەفتا بیست و دووێ چلەیێ ئسرائیل سیێەم ئێریش ل دەردۆرا حمایێ كرە ئارمانج ود ئەنجامێ دە پێنج باراگەهێن رێژیما ئەسەد و مێلیسین ئیرانی كرە ئارمانج .

ل رێكەفتا سسیێ سباتێ ئارتێشا ئسرائیلێ چارەم ئیریشا خوە ل دەڤەرا الهباریە لگوندەوارێ قنێترا ئەنجام دا .

ئێریشا پێنجان ژی ل دەڤەرێن چیایی بوو ب تایبەت ل دەردۆرا ریێا شام بیروت بوو كو ل رێكەفتا پازدێ سباتێ ئەو ئێریش هاتە پێك ئانین ، ود ئەنجامێ دە بالافرێن شەركەر یێن ئسرائیلێ كاریە عەمبارین چەكان یێن ئیرانێ و مێلیسین بسەرڤە بكە ئارمانج ، سەرباری ئارمانجكرنا فرقەیا یەكێ یا بسەر رێژیما ئەسەد ڤە ل دەڤەرا الكسوە .
ئێریشا شەشان د رۆژا بیست و حەفتێ سباتێ بوو ، و باراگەهێن ئیران و جزب الله ل باشورێ شاما پایتەخت هاتنە ئارمانجكرن .

رێكەفتا شازدێ ئادارێ ئسرائیل حەفتەم ئێریشا خوە لدژی رێژیما ئەسەد و مێلیسێن بسەر ئیرانێ ڤە ل نێزی بالافرخەنەیا شاما ناڤدەولتی پیك ئانی وتێدە باراگەه و عەمبارین چەكان كرە ئارمانج .

وئێریشا هەیشتان و یا داویێ ، ل رێكەفتا هەیشتێ نیسانێ بوو ، و د وێ ئێریشێ دە بالافرێن شەركەر یێن ئسرائیلێ كاریە باراگەهێن بسەر حزب اللها لبانی ل دەڤەرا الدیماس بكە ئارمانج .

266