روسیا د ئارمانجكرنا رێخستنا داعشێ دە لبیابانا سوریێ بەردەوامە
ارك نيوز .. بالەفرێن شەركەر یێن روسی د ئەنجامدانا ئۆپەراسیۆنێن ئەسمانی لدژی رێخستنا داعشا تەرۆریست دە لبیابانا سوریی بەردەوامە ، هەری داوی ئارمانجكرنا باراگەهێن داعشێ ل بیابانا دێرازۆری و حمسێ .
رەوانگەها سوریی یا مافێن مرۆڤان راگهاند كو ئیرۆ دانێ ڤێ سبەهێ جارەكە دن بالەفرێن روسی ئۆپەراسیۆنەكە ئەسمانی لدژی داعشا تەرۆریست لبیابانا سوریێ بتایبەتی ل بیابانا السخنە لرۆژهەلاتێ گوندەوارێ حمسێ ودێرا زۆرێ و هن ناڤچەیێن دن ل سێ گۆشەیا حەلەب ، حمس ، و رەقا پێك ئانی .
رەوانگەها سەربار كر وگۆت كو د ئەنجاما وی ئۆپەراسیۆنێ دە چەندین چەكدارین داعشێ هاتن كوشتن وبرینداربوون ، وزیانێن مادی مەزن ژی هاتنە روودان .
ئەڤە دەمەكە و بالافرێن شەركەر یین روسی ئۆپەراسیۆنێن خوە یێن ئەسمانی لدژی داعشا تەرۆریست لبیابانا سوریێ گوور كریە و رۆژانە جه و باراگەهین رێخستنا داعشێ بومبەباران دكە ، و د ئەنجامێ دە حەتا نها ب دەهان چەكدار هاتنە كوشتن وبرینداربوونە .
292
