نەتەوێن یكگرتی داخوازا ڤەكرنا دەرگەهێن مرۆڤی لسوریێ دكە
ارك نيوز .. نەتەوێن یكگرتی داخوازا ڤەگرنا دەرگەهانێن زێدە ژبۆ گهاندنا ئالیكاریێن مرۆڤی بۆ ناڤ خاكا سوریێ كر .
ڤۆلكان بوزكێر سەرۆكێ كۆمەلەیا گشتی یا نەتەوێن یكگرتی داخواز ژ ئەنجومەنا ئەولەهیا ناڤدەولتی كر كو هەولین زێدە بكە ژبۆ زێدەكرنا هەژمارا دەرگەهان لسوریێ ژبۆ گهاندنا ئالیكاریێن مرۆڤی بۆ گەلێ سوریێ .
بووزكێر دا زانین كو لباكوری رۆژئاڤایێ سوریێ دەردۆرا دوو مەلیۆن و حەفسەد هەزار دەربەدەرێن سوری هەنە و د خرابترین رەوش دە دژین و تەڤایا دەربەدەران پێویستیا وان ب ئالیكاریێن مرۆڤی هەنە ، لەوما پێویستە دەرگەهێن دن وەرنە ڤەكرن لپێشیا كاروانێن مرۆڤی داكو بكاربن دەرباسی سوریێ ببن و ئالیكاریان پێشكێش بكن .
ناڤبووری سەربار كر وگۆت ژ چار دەرگەهان بتەنێ یەك دەرگەه ژبۆ گهاندنا ئالیكاریێن مرۆڤی ڤەكریە و ئەو یەك نە بەسە وپێویستە دەرگەهێن دن ژی د زوترین دەم دە وەرنە ڤەكرن داكو كاروانێن مرۆڤی یێ نەتەوێن یكگرتی دەرباسی ناڤا خاكا سوریێ ببە .
314