ب مەلیۆنان سوری د مەترسیا تەقینا مایین و بومبەیێن چاندی دە دژین
ارك نیوز .. كۆمیتەیەكە ناڤدەولتی دبێژە ب مەلیۆنان وەلاتیێن سوریێ د مەترسیا مایین و تەقەمەنیان ژ پاشمایێن شەر دە دژین ، و رووبەرەك مەزن لسوریێ بوویە زەڤیێن مایینان .
كۆمیتەیا خاچا سۆرا ناڤدەولتی ، د راپۆرتەكە خوە دە ب هەلكەفتا رۆژا جیهانی یا هۆشداریكرنێ ب مەترسیا مایینان راگهاند كو بێهتر ژ یازدە مەلیۆن وپێنسەد هەزار كەس ل سوریێ د مەترسیا تەقینا مایێن چاندی ژ پاشمایێن شەر دە دژین ، و سەربار كر وگۆت كو ل تەڤایا باژار و وباژارۆك و گوندێن لسوریی رۆژانە بومبە و مایینێن چاندی ب وەلاتیێن سڤیل دە دتەقن ، و د ئەنجامێ دە كوشتی وبریندار دكەڤن .
وەكە هەمان كۆمیتەیێ د هەمان راپۆرتا خو دە ئەشكەر كریە كو د ئەنجاما تەقینا مایین وبومبەیێن چاندی دە لسوریێ بێهتر ژ دووازدە هەزار كەس بوونە قربانی ، ژ وێ هەژمارێ ب رێژەیا سیه وپینج ژ سەدی جانێ خوە ژ دەست دانە ، و شێست وپینج ژ سەدی ژی برینداربوونە .
279
