مالباتا زارۆكا رەڤاندی رەوان علیكۆ بانگەك ئاراستەیی قسدێ كر
ارك نیوز .. پشتی كو رێژیما ئەسەد ناڤچەیێن كوردی لرۆژئاڤایێ كوردستانی رادەستی پەیەدێ كر ، ژ وێ دەمێ و تا نها پەیەدێ هەموو جورێن بنپێكرنان ژ گرتن ، رەڤاندن ، لەشكەریا نەچاری ، رەڤاندنا زارۆكێن بچوك و تەقلیكرنا وان بۆ ناڤا رێزێن شەر ، و هن بنپێكرنێن دن دەرحەقێ خەلكێن رۆژئاڤایێ كوردستانی ئەنجام ددە و هینژی د سیاسەتا خوە دە بەردەوامە ، بتایبەت د رەڤاندن و بنچاڤكرنا زارۆكان ولەشكەركرنا وان كو تا نها ب دەهان زارۆك رەڤاندنە و چارەنیڤیسا گەلەك ژوان نە دیارن تەڤلی هەولێن مالباتێن وان زارۆكان یێن بەردەوام ژبۆ ڤەگەراندنا زارۆكێن خوە لێ تا تەڤایا هەولێن وان بێ سوودن وهینژی توو زانیارەیەكی لسەر زارۆكێن خوە نزانن مینا رەوان علیكۆ ، و گەلەك زارۆكێن دن .
دەربارێ بنچاڤكرنا زارۆكا بناڤێ رەوان علیكۆ كو ژ ئالیێ اساییشا ژنی یا بسەر پەیەدێ ڤە ل رێكەفتا هەیشتێ جۆتمەها سالا دووهەزار وبیستێ دە ل باژارێ قامشلۆ یی رۆژئاڤایێ كوردستانێ هاتبوو رەڤاندن ، كو ئەڤە حەفت مەه لسەر بنچاڤكرنا وێ دەرباس دبن وهینژی چارەنیڤیسا وی نەدیارە تەڤی سۆزن ئۆفیسا زارۆكتیێ یا بسەر پەیەدێ ڤە ژ مالباتا وێ رە كو كەچا وان ڤەگەرینن ، لێ سوزێن خوە بجه نەئانین و هینژی مالباتا زارۆكا رەڤاندی چارەنیڤیسا كەچا خوە نزانن و تو زانیاریان لسەر وی نزانن ، و رەوشا وێ چیە و ل كیدەرێ یە .
ژبۆ دیاركرنا چارەنیڤیسا كەچا خوە و ڤەگەراندنا وێ بۆ مالباتا وێ و نە جیكرنا سۆزێن بەرپرسیارێن پەیەدێ و ئۆفیسا زارۆكیی یا بسەر ڤە دەربارێ ڤەگەراندنا روان علیكۆ بۆ مالباتێ ، مالباتا وێ بانگەك ئاراستەیی بەرپرسیارێن قسدێ و هەر ئالیەك بەرپرس كو ب بەرپرسیارەتیا خوە یا یاسایی و مرۆڤی رابن و زارۆكا وان رەوان یا تەمەن شازدە سالی كو ئەڤە حەفت مەهن بنچاڤكری یە ڤەگەرینن مالێ و سۆزێن خوە بجی بینن .
مالباتا رەوان علیكۆ د بانگا خوە دە دبێژە تەڤی كو ئۆفیسا زارۆكتیێ یا بسەر پەیەدێ ڤە سوز دابوو كو پشتی بداویهاتنا راهینانا كەچا وان رەوان ئەوێ رەوان ڤەگەرینن مالێ لێ سوزێن خوە بجی نەئانین وئەڤە حەفت مەهن و ئەم ل بەندا سۆزین وانن كو كەچا مە ڤەگرینن لێ تا نها رەوان ڤەنەگراندنە ، وگۆت ژی ئیدی بەسە كو هوون واتە پەیەدێ ب هەستێ مە بلیزن ، ئەم مرۆڤن و هەستێ مە هەنە ، ئەم نە كەڤرن ، و بلا رێڤەبەریا پەیەدێ و ئۆفیسا زارۆكتیێ یا بسەرڤە باش بزانبە كو رەوان كەچا مەیە نەك كەلوپەلەكە بازرگانیێ یە وتوو جاری ئەم كەچا خوە ژبیر ناكن و ئەمێ ب تەڤایا هەلێن خوە رابن و ئەمی بەردەوامبن دڤان هەولان دە تا رەوان ڤەگەرینن مالباتا وێ .
ژبلی بانگا مالباتا علیكۆ ، عمران علیكۆ باڤێ زارۆكا رەڤاندی رەوان علیكۆ ژبۆ دیاركرنا چارەنیڤیسا كەچا خوە و ڤەگەراندنا وێ چەندین چار دریێا ئاركێ رە بانگ ل ته‌ڤایا رێخستنێن ناڤده‌وله‌تی وئالیێن په‌یوه‌ندیدار كرن كو كه‌چا وان بۆ وان ڤه‌گه‌رینن.
رەوان علیكۆ ژ دایكبوویا باژارێ دربێسیێ سالا دووهەزار و چاران نە خوەندەكارا پۆلا یازدەهان بوو ژبەر فەرزگرنا پەیەدێ ژ رێبازا خوە یا ئیدیولۆجكری ل رۆژئاڤایبی كوردستانێ ، رەوان نەچاربوو كو بەرێ خوە بدە دبستانێن بسەر ریژیما ئەسەد ڤە لباژارێ قامشلۆ ، و ل رێكەفتا هەیشتێ چوتمەها دووهەزاروبیستێ ژ ئالیێ اساییشا ژنێ یا بسەر پەیەدێ ڤە ل قامشلۆ هات بنچاڤكرن و ژ وی دەمێ و تا نها واتە ئەڤە حەفت مەهن وهینژی مالباتا وێ چارەنیڤیسا وێ نزانن .
تەڤی ئمزەكرنا ریكەفتنەكێ ناڤبەرا قسدێ و نەتەوێن یكگرتی دەربارێ قەدەغەكرنا لەشكەركرنا زارۆكان ، و ڤەگەراندنا زارۆكێن كو هاتنە لەشكەركرن ، لێ قسدێ پابەندی بڤێ رێكەفتنێ نەكریە و هینژی د رەڤاندنا زارۆكان و لەشكەركرنا وان لرۆژئاڤایێ كوردستانێ بەردەوامە ، كو تا نها ژی چارەنیڤیسا ب دەهان زارۆكێن رەڤاندی نەدیارە .
324
