3000 قهسهدێ و 1200 ژ دهربدهرێن عهفرینێ ژ بۆ شهرێ ئدلبێ ئامادهنه ویهپهگێ رهد دكه
د بهردهوامیا ئامادهكاریێن شهرێ ئدلبێ وپشتی داخویانیێن فهرمی دهربارێ بهشداریا چهكدارێن قهسهدێ ژ بۆ شهرێ ئدلبێ یهپهگێ داخویانییهك بارۆڤازی دهرخست تێده بهشداریا خوه ژ شهرێ ئدلبێ دهی رهدكر
بهردهڤهكێ فهرمێ یێ چهكدارێن یهپهگێ د داخویانییهكێ ده راگهاند كو تو ههبوونا هێزێن وان د ئیدلبا سووری ده تونه یه وئهو توبهشداریێ د وێ شهری ناكن
نوری مهحمود بهردهفكێ فهرمی یێ یهپهگێ راگهاند كو ئهو ب شهرێ رێخستنا داعش یا تهرۆری ل سهر سینۆرێ عێراقێ ودژی هێزێن توركیێ وههڤالبهندێن وێ باشوور رۆژئاڤای وهلێت ده مژورلن.
بهریا دهمهكێ هن ژێدهرێن جیهانێ و خوهجهی راگهاندبوون كو دهردۆرا 3000 ههزار ژ چهكدارێن قهسهدێ خوه ژبۆ شهرێ ئدلبێ ئامادهكرنه وژ جزێرا رۆژئاڤای كوردستانێ ژبۆ حهلهبێ هاتنه شاندن داكو ب چهكدارێن رێژیمێ ره ئیریشی سهر ئیدلبێ بكن.
د 8/4/2018 ئانگۆ بهریا 5 ههیڤان ئهندامێ ئهنجومهنا خوهجهی یا عهفرینێ ئازاد عوسمان ژ ئاركێ راگهاندبوو كو بهرپرسێن پهیهدێ وچهكدارێن وان ب ههلمهتهك گرتن ل كامپێن دهربهدرێن عهفرینێ رابووبوون و 1200 ژ كوردێن عهفرینێ گرتنه ول ژێر ناڤێ هێزهكه لهشكهری شیعی هاتنه بهچهككرن كو د وێ دهمێ عوسمان گۆمان كربوو ژ بۆ شهرێ ئیدلبێ به .
داخویانییا نوری مهحمود بهرۆڤاژیا داخویانییا ههر یهك ژ سالح موسلم و ئالدار خهلیل تێ كو ههردوو ناڤبووری تهكهز كربوون كو چهكدارێن وان دێ د شهرێ ئدلبێ بهشداربكن .
د ژ بهر داخویانیێن تووژ وتوند دهربارێ شهرێ ئدلبێ وئامادهكاریا ههر یهك ژ رێژیم و ئۆپۆزسیونا سووریێ رۆژانه مالباتێن عهرب بهرێ خوه ددن عهفرینێ ول كۆر چاڤدێران كو باندۆرا ههری مهزن ژ شهرێ ئدلبێ وێ ل سهر وعهفرینێ و گوهارتنا دهمۆغرافیا وێ به .
ش.ع
742
