عبدالكريم محمد: ئه‌م وه‌كو په‌ده‌كه‌سێ وئه‌نه‌كه‌سێ به‌شداري هلبژارتنێن رێژيما ئه‌سه‌د ده‌ ناكن

به‌رپرسێ رێخستنا گشتي يێ پارتيا ديموقراتا كوردستان سوريا راگهاند كو پارتيا ديموقراتا كوردستان سووريا و ئه‌نجومه‌نا نشتيمانيا كورد ل سوريێ د هه‌لبژارتنێن كو ژ ئاليێ په‌يه‌دێ و رێژيمێ ڤه‌ تێن ئه‌نجام دان به‌شدارنابن .

دوه رۆژا يه‌كشه‌مێ عبدالكريم محمد به‌رپرسێ رێخستنا گشتي يێ پارتيا ديموقراتا كوردستان سوريا هه‌روه‌ها ئه‌ندامێ بوليتبيرويا پارتيا ديموقراتا كوردستان سووريا د داخويانيه‌كي تايبه‌ت ده‌ ژبۆ ئاركێ گۆت كو ئه‌و وه‌كو پارتيا ديموقراتا كوردستان سووريا باوه‌ريا وان ب هه‌لبژارتنێن كو ژ ئاليێ په‌يه‌دێ و رێژيمێ ڤه‌ تێن كرن ناكن ژبه‌ر كو هزر و رامانێن په‌يه‌دێ و رێژيمێ يه‌كن و دبه‌ كو حكومه‌ته‌كا ديموقراتي هه‌به‌ تاكو هه‌موو پێكهاته‌ كاريبن ب ئازادي به‌شداريێ د هه‌لبژارتنان ده‌ بكن.

عبدالكريم محمد هه‌روه‌ها گوت كو ئه‌و وه‌كو ئه‌نجومه‌نا نشتيمانيا كورد ل سوريێ دانووستاندنا ب ريا جنێفێ دكن تا بنده‌ستي و زۆرداري ل سه‌ر وه‌لاتيان رابه‌ و په‌نابه‌ر كاريبن ب ئارامي ڤه‌گه‌رن ل سه‌ر خاكا خوه‌ هه‌روه‌ها گرتيێن د زندانان ده‌ ژي سه‌ربه‌ست وه‌رن به‌ردان د وێ ده‌مێ ده‌ ئه‌وێ د هه‌لبژارتنان ده‌ به‌شداربن .

عبدالكريم محمد ئه‌ندامێ پوليتبيرۆيا پارتيا ديموقراتا كوردستان سووريا د داويا داخويانيا خوه‌ ده‌ گوت كو هه‌ماهنگيه‌ك گشتي دناڤبه‌را په‌يه‌دێ و رێژيمێ ده‌ ل رۆژئاڤايێ كوردستانێ هه‌يه‌و رێژيم ل ده‌ڤه‌رێ هه‌يه‌ وهن جه هه‌نه‌ په‌يه‌دێ نكاره‌ نيزيكي وان ببه‌ بێ كو بريارێ ژ ئاليێ رێژيم وه‌رگرن .

و ئه‌و وه‌كو ئه‌نجومه‌نا نشتيمانيا كورد ل سوريێ د هه‌لبژارتنێن رێژيمێ و په‌يه‌دێ ده‌ به‌شدار نابن تا قوناغه‌كا ڤه‌گوهێز و درووستكرنا حكومه‌ته‌كا ديموقراتي هه‌موو پێكهاته‌يێن سوري تێده‌ به‌شداربن د وێ ده‌مێ ده‌ د هه‌لبژارتنان ده‌ به‌شداريێ بكن و رێڤه‌به‌ريا شاره‌داريان ژي وێ ب ريا وان به‌.

756