حسن رمزي: هلبژارتنێن رێژيمێ ل قامشلۆ برێڤهچوون بێ كو پهيهدهێ دهستێوهردانێ تێدا بكه
ئهندامێ كۆميتا ناڤهندي يا پارتيا دهمۆقراتا كوردستانا سووريێ حسن رمزي دهربارێ هلبژارتنێن ئهنجومهنێن خوهجهي ل سووريێ ئاخڤي و ژ بۆ ئاركێ وهها گۆت : هلبژارتنێن د ڤێ دهما خراب و شهر ووێرانكرن وكوشتن و كۆچبهركرن ب سهر سووريێ ده هاتيێه د ههياما ڤان 8 سالان ده.
سهركردهێ كورد حسن رمزي ههروسا گۆت ئهنجامدانا هلبژارتنان ژ ئاليێ رێژيمێ ده د ڤێ دهما نها ده بريتيه ل شانويهكێ و پهيوهندي ب مللهتێ سووريێ ب ههموو پێكهاتهيێن خوه ڤه نينه ، نه ژ نێزيك و نه ژ دوور ڤه.
رمزي ههروسا گۆت رێژيما سووريێ ژ بلي كو هلبژارتنان بكه بلا بجدي دهرباسي دانووستانيێن جنێڤێ ببه و بريارا ناڤدهولهتي 2254 وبرياريێن دن يێ ناڤدهولهتي پهيرهو بكه و ڤان شانويێن بێ واته وپێكهنوك نهكه.
دهربارێ ئهنجامدانا هلبژارتنێن ئهنجومهنيێن خوهجهي ل ههرێمێن كوردستانا سووريێ ژ ئاليێ رێژيما سووريێ ڤه ، ئهندامێ كۆميتا ناڤهندي يا پارتيا دهمۆقراتا كوردستانا سووريێ حسن رمزي وها گۆت: هلبژارتن ل قامشلۆ د چارگۆشهيا ئهمني ل ناڤهندا باژارێ قامشلۆ ب بخوهپێشاندان و ئاهنگ وديلانا ژ ئاليێ ئاليگريێن رێژيما ئهسهد ڤه ب رێڤه چوو ، بێ كو پهيهدێ چ دهستێوهردانێ تێده بكه و هلبژارتن ل گۆري پيڤانيێن رێژيما بهعس برێڤه چوون.
660
