وەزیرێن بەرەڤانیا توركیێ و روسیا داوین رەوشا ئدلبێ گۆتوبێژكرن

ارك نيوز .. ژبۆ گونگەشەكرنا داوین رەوشا دەڤەرا كێمكرنا ئاستێ شەر ل ئدلبێ وبتایبەت بەرەدوامیا رێژیمێ د بنپێكرنێن خوە دە ل هەمان دەڤەرێ ، وەزیرێ بەرەڤانیا توركیی ، و وەزیرێ بەرەڤانیا روسیا پەیوەندیەك تەلیفۆنی ئەنجام دان .

دۆه د ریێا پەیوەندیەكە تەلیفۆنی دە خلوسی ئەكار وەزیرێ بەرەڤانیا توركیێ ، لگەل هەڤشانێ خوە وەزیرێ بەرەڤانیا روسیا سیرغی شویگۆ داوین رەوشا ئدلب و گوندەوارێن وێ و بنپیكرنێن كو ژ ئالیی ریژیما ئەسەد ڤە تێنە ئەنجام دان گۆتوبێژكرن .

خلوسی ئەكار د كونگرەكی رۆژنەمەڤانی دە بحسا ناڤەرۆكا پەیوەندیا خوە ب وەزیرێ بەرەڤانیا رووسیا كر و گۆت د وێ پەیوەندیێ دە ئەكار تەكەزی لسەر ستاندنا تەدابیران دەربارێ بنپێكرنێن رێژیما ئەسەد ل ئدلبێ ژ ئالیێ هەردوو وەلاتان ڤە توركیێ و روسیا كر وگۆت ئەو پەیوەندی ئاڤاكەر و ئەرینی بوو .

وەزیرێ بەرەڤانیا توركیێ سەربار كر وگۆت هەبوونا ئارتێشا توركیێ لباكورێ سوریێ بهێزە و د لڤ وتەڤگەرا خوە یا لەشكەری دە بەردەوامە ئەوژی لگۆری بیرنامەیێن لهەهاتنێ یین ناڤبەرا توركیێ وو ئالیێن پەیوەندیدار دە هاتنە ئمزەكرن و تەكەزی لسەر پابەندبوونا وەلاتێ خوە ب ڤان رێكەفتنان كر .

هەروەها ئەكار دا خویاكرن كو د دەما داویی دە ژەكدارێن رێژیما ئەسەد ئێریشێن خوە لسەر دەڤەرا كێمكرنا ئاستێ شەر گوورتركریە و ئەڤ یەك نایی قەبوول كرن و هەر ئێریشەك ژ ئالیێ رێژیمێ ڤە وەرە پێكئانین ، توركیێ وێ یەكسەر بەرسڤا ئێریشێن ریژیمێ بدە و بتوندی .

سەبارەتی پابەندبوون ب ئاگربەستا راوەستاندنا شەر ل ئدلبێ خلوسی ئەكار وەزیرێ بەرەڤانیا توركیێ گۆت ئارمانج ژ ئاگربەستی ئەوە راوەستاندنا شەر ب یەكجاری یە و دووبارە ڤەگەرا ئەولەهی و ئارامی ل ناڤچەیێ یە لەوما وەلاتێ وی و روسیا وێ تەدابیرێن تووند و نوو دڤێ دەرباری دە وی بستینن ژبۆ راوەستاندنا ڤان بنپێكرنێن بەردەوام

ژ ئالیێ وەڤە رۆژنامەیا كۆمیرسانت یا روسی بحسا مەترسیێن ئەگەرا ژناڤبرنا رێكەفتنێن كو ناڤبەرا روسیا و توركیێ دە هاتنە ئمزەكرن كر ئەوژی بسەدەما پربوونا داخوازان ژ هەردوو ئالیان ڤە بێ كو تو داخوازك ژوان داخوازان وەرنە بیجكرن ، و بەردەامیا گلی و گازنان توركیێ و روسیا دەربارێ جیبجیكرنا وان رێكەفتنان .

286