داوین ئامارێن كۆرۆنا لسەرانسەری سوریێ

ارك نیوز .. ئەڤە سالەك بسەر بەلاڤبوونا ڤیروسا كۆرۆنایێ ل سەرانسەری جیهانێ دەرباس بوویە و تەڤی دیتنا ڤاكسینێ ژ ڤێ نەخوەشیی رە لێ هین ژی ئامارێن كۆرۆنا لسەرانسەری جیهانێ بەر ب زێدەبوونێ ڤە دچە و وەلاتێ سوریێ یەك ژ وان وەلاتانە كو ئامالاێن پێكەتیان هەر كو دچە زێدەتر دبە و رۆژانە حالەتێن توشبوون ومرنێ تینە تۆماركرن ، كو تا نها هەژمارا گشتی یا توشبوویێن كۆرۆنایێ لسەرانسەری سوریێ گهشتیە 47,888 ، ژوێ هەژمارێ 32,189 كەس باشبوونە ، و2,157 كەسان ژی جانێ خوە ژ دەست دانە .

ل رۆژئاڤایێ كوردستانێ رۆژ ب رۆژ حالەتێن پیكەتنێ تێنە ئۆماركرن هەری داوی پێكەتنا سەد كەسێن دن بڤیروسا كۆرۆنایێ .

دەستەیا تەندروستیێ یا بسەر رێڤەبەریا پەیەدێ ڤە ئامارێن بیست وچار سەعێن بووری راگهاند كو ل رۆژئاڤایێ كوردستانێ 100 كەسێن دن بكۆرۆنا كەتنە ، 3 كەس ژی مرنە ، ژ كۆما پێكەتیان 51 ل قامشلۆ ، 2 ل دێرك، 6 ل گركێ لەگێ، یەك ل دربێسیێ، 12 ل رەقا، 5 ل تەبقا، 4 ل دێرا زۆری 6 ل منبج، و 2 ل شهبایێ نە.

هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتێن نوو یا توشبوونێ بكۆرۆنایێ هەژمارا گشتی ل رۆژئاڤایێ كوردستانی گهشتیە 9118 كەسی ژ وێ هەژمارێ 1271 كەس باش بوونە و 356 كەسان ژی تا نها جانی خوە ژ دەست دانە .

دەربارێ ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد دە ژی هەژمارا توشبوویان گهشتیە بێهتری 17411 هەزار كەسی .

د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بوری دە 171 كەسێن دن ب كۆرۆنایێ كەتنە ، 10 كەسان چانێ خوە ژ دەست دانە ، و 96 كەس ژی باش بوونە

لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 17411 كەسان ، ژ وێ هەژمارێ 11599 كەس بتەمامی باش بوونە و 1163 كەس ژی جانێ خوە ژ دەست دانە .

دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هوشیاری وبەرسڤدانا نەخوەشیان د داخویانیەكە خوە دە راگهاند كو د هەیاما بیست وچار سەعیتێن بووری دە توو حالەتێن پیكەتن و ژیانژدەستدانێ نەهاتنە تۆماركرن ، بتەنێ سێ كەس ژ نەخوەشیا كۆرۆنا باشبوونە بتەمامی .

لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ گهشتیە 21260 كەسان ، ژ وێ ژمارەیێ 19254 كەس باش بوونە و 637 كەسان ژی جانێ خوە ژ دەست دانە .

287