رێژيم ل گركێ لهكێ و عهێنديوهرێ يه
رێژیما ئهسهد ئهنجومهنێن خوه ژبۆ رێڤهبهریا خوهجهی ژ عێندیوهر تا حهسهكێ ئاڤاكرن, تهڤی كو پارتیا یهكیتیا دیموقراتیك پهیهدێ ئدعا دكه ئهو ناڤچهیێ برێڤهدبه و ژ هاڤینا سالا 2012ان ڤه ئدعا دكه وێ رێژیم ژ ناڤچهیێن كوردستانا سووریێ دهرخستیه.
لگۆری بریارهكێ ب ههژمارا 51 یا شاخێ حهسهكێ یێ پارتیا ئهلبهعس یا رێژیما سووریێ مێژۆیا 12.09.2018ان, و پشتی جڤینهكێ ل گهل شاخێن پارتیا ئهلبهعس ل سهرانسهری ناڤچهیا جزیرێ یا كوردستانا سووریێ, ئهنجومهنێن باژار و باژارۆكان ل سهرانسهری پارێزگهها حهسهكێ ئانگو ناڤچهیا جزیرێ هاتن ئاڤاكرن, ههموو ئهندامێن وان ئهنجومهنان بخوه ئهندامێن پارتیا ئهلبهعسن.
شاخێ پارتیا ئهلبهعس ل حهسهكێ ل سهر رووپهلا خوه یا فێسبووكێ لیستهیا ناڤێن ئهندامێن ئهنجومهنێن رێڤهبریا خوهجهی یێن باژار و باژارۆكێن پارێزگهها حهسهكێ بهلاڤكرنه, دناڤ ده عێن دیوهر, دیرك, گركێ لهگێ , تل كۆچهر, چل ئاغا و ههموو باژار و باژارۆكێن دن یێن كوردستانا سووریێ.
لدراخستنا هلبژارتنێن رێڤهبهریا خوهجهی و ئاڤاكرنا ئهنجومهنێن شارهداریان ههڤدهمی وێ یهكێ تێ كو پهیهدێ ئدعایا گرتنا بهربژێرێن رێژیمێ ژبۆ وان هلبژارتنان دكه و دبێژه پشتی سۆزێن نڤیسكی ب نهبهژداربوونێ وێ ئهو بهربژێر سهربهست بهردانه.
سبهها ئیرۆ رێژیما ئهسهد دهست ب هلبژارتنێن رێڤهبهریا خوهجهی ل سهرانسهری سووریێ كر, 40 ههزار بهربژێر ژبۆ وهرگرتنا 18478 كورسیان ههنه, 88 فهرمانگههێن هلبژارتنان و6551 ناڤهندێن هلبژارتنان ل سهر ئاستا سووریێ ههنه, ژ وان 770 ناڤهند ل ناڤچهیێن پارێزگهها حهسهكێ هاتنه بهلاڤكرن, لگۆری كو وزارتا رێڤهبریا خوهجهی یا رێژیمێ راگهاندیه, ئهو هلبژارتن ژی بریاره دهمژمێر حهفتێ ئێڤارێ بداوی بێن.
586
