ئيسرائيل ديسان سوريێ توپاران دكه
هنده‌ك ژێده‌رێن خوجه‌هی راگهاندن كو ئسرائیل ئیریشه‌ك ل سه‌ر فرۆكخانه‌یا شامێ یا ناڤده‌له‌تی پێكئانی, ئاژانسا رویته‌رز ژی راگهاند كو پشتی ڤێ ئیریشێ ته‌قینه‌كه مه‌زن ل شامێ هات رودان .
هه‌ر ل گوری زانیاریان كو ئه‌ڤ ئیریش ژ ئالیێ بالافرێن ئسرائیلی هاتن پێكئانین و تو كوشتی یان بریندار نه كه‌تن.
ئاژانسا سانا یا رێژیما سوریێ ل سه‌ر زارێ ژێده‌ره‌كی له‌شكه‌ری سووری راگهاند كو وان هژماره‌ك توپێن ئسرائیلی خستن خوار و هژمارا كوشتی وبرینداران دیار نه‌كرن.
ژ ئالیێ خوه ڤه رێڤه‌به‌رێ ره‌وانگه‌ها سوری یا مافێ مروڤان راگهاند كو ئیریشا ئیسرائیلی یا ئاسمانی عه‌مباره‌كه چه‌كان ل نێزیكی فرۆكخانه‌یا شامێ یا ناڤده‌وله‌تی كره ئارمانج .
هه‌روه‌ها ئه‌شكه‌ره كر كو ئه‌ڤ ئیریش هات پشتی گهشتنا كاروانه‌كه نوو ژ چه‌كێن پێشكه‌تی ژ بۆ چه‌كدارێن ئیرانی ویێن حزب اللها لبنانى یێن كو ل سووریێ دمینن .
ته‌ڤى كو ئسرائیل به‌ریا نه‌ها ب ده‌هان جار ئیریشێن ئاسمانی ل سووریێ پێكئانییه لێ ڤێ جارێ به‌رده‌فكا بناڤێ ئارتێشا ئسرائیلی تو كۆمینت ل سه‌ر ڤێ ئیریشێ نه‌دا.
به‌ریا نه‌ها ژی ئسرائیل راگهاندبوو كو د 18 هه‌یڤێن بوورى ده وان بهترى 200 ئیریشی ل سوریێ پێكئانینه پرانیا وان ل سه‌ر بنگه‌هێن میلیسێن ئیرانی و یێن حزب الله ل سوریێ بوون.
هه‌ر ده‌م ئیسرائیل داخوازا ده‌رخستنا چه‌كدارێن ئیرانی ژ سووریێ دكه لێ ئه‌ڤ یه‌ك هین نه هاتیه كرن له‌وما جار جاران ئیریشێن ئاسمانی ل سه‌ر بنگه‌ه وخالێن وان چه‌كدارێن ئیرانی پێك تینه كو د ئه‌نجام ده ب سه‌دان كوشتی وبریندار ژ میلیسێن ئیرانی ل سوریێ كه‌تنه.
593
