نافع بهيرۆ: هلبژارتنێن رێژيمێ ژبۆ سووريان نهگرنگن
سهركردهیهكی پارتیا دیموقراتا كوردستان-سووریا هلبژارتنێن رێڤهبهریا خوهجهی یێن رێژیمێ ب نهگرنگ ژبۆ سووریان بناڤ دكه و دبێژه نها دهم و رهوش د بهرژهوهندیا رێژیما ئهسهد دهنه.
د داخویانیهكه تایبهت ژبۆ ئاركێ دكتۆر نافع بهیرۆ ئهندامێ پۆلیتبیرۆیا پارتیا دیموقراتا كوردستان-سووریا دهربارێ هلبژارتنێن رێڤهبهریا خوهجهی یێن رژیمێ گۆت ئهڤ جارا دویهمه كو رێژیم بانگا لدارخستنا هلبژارتنان دكه, جارا یهكهم د داویا 2011ان دهبوو, د وێ دهمێ ده رێژیم د رهوشهكه ئالۆز ده بوو و ههول دا ل دۆرا خوهستهكێن شۆرهشڤانان بزیڤره, راستی نهسهركهفتنهكه مهزن هات ژبهر كو گرهڤهكه گشتی لدژی وان هلبژارتنان هات ئهنجامدان.
بهیرۆ ههروهها گۆت ئیرۆ و پشتی حهفت سالان ژ تهمهنێ شۆرهشێ و وێرانبوون كو راستی ژێرخانهیێ هاتیه و كۆچبهركرنا دهردۆرا نیڤێ گهلێ سووریێ د هندر و دهرڤه, و تهڤی كو ئهڤ هلبژارتن ژبۆ سووریان نهگرنگن, لێ رێژیم ههول دده كۆنترۆلا خوه ل سهر مۆڤكێن دهولهتێ ب رێیا پارتیا ئهلبهعس وهكه بهرێ ڤهگهرینه, و دێ نوونهرێن خوه ژ خهلهكا تهنگ پشتی خوهندنهكه كوور ژبۆ وهرگرتنا وان پۆستێن ههستیار هلبژێره, ئهو یهك ژی د بریارا 108ان یا 2018ان یا تایبهت بهلبژارتنان دیار بوو.
دكتۆر نافع بهیرۆ هلبژارتنێن رێژیمێ ب ههستیاریا قوناغێ ڤه گرێدا و گۆت ژبهر كو قوناغا بێ قوناغا ئاڤاكرنێ یه, رێژیم دزانه چ رۆل ل بهندا ئهنجومهنێن خوهجهی یه, و رێژیم رژده ل سهر كۆنترۆلكرنا خوه ژ ههموو مۆڤكێن ژیانێ ره ب تایبهت كو رهوشا نها د بهرژهوهندیا رێژیمێ دهیه, پشتی سهركهفتنێن لهشكهری و بهرفرههكرنا كۆنترۆلا خوه ل سهر ناڤچهیان, و دێ وێ یهكێ بكاربینه ژبۆ دهستكهفتنێن سیاسی بدهستخوهڤه بینه و ههلوهستا خوه یا دانوستانكار بهێز بكه.
بهیرۆ سهربار كر بنهرینا وی نها ههموو نیشان د بهرژهوهندیا رێژیمێ ده نه ژبۆ بجیكرنا ئارمانجا كو ژبۆ وێ كار دكه لژێر پشتهڤانیا رۆسی بێسینۆر ژێره ژ ئالیهكی ڤه و بسهرههڤدهچوونا رۆلا ئۆپۆزسیۆنا سووریێ بگشتی ژ ئالیهكی دن ڤه.
797
