هيومهن رايتس: د 2017ان ده ي پ ك 224 زارۆك برنه لهشكهريێ
رێخستنا هیوومهن رایتس ووتش ئهشكهره كر كو چهكدارێن یهپهگێ یێن بسهر پهیهدێ ڤه دوسهد و بیست و چار زارۆك د سالا دوههزار و حڤدههان ده تهڤلی لهشكهریا خوه كرنه.
د راپۆرتهكه خوه ده كو د 12.09.2018ان ده بهلاڤكریه, هیوومهن رایتس ووتش راگهاند كو وێ د تهباغا بۆری ده برنا زارۆكان ژ ئالیێ چهكدارێن یهپهگێ ڤه ژ سێ كامپان ل باكورێ رۆژهلاتێ سووریێ بهلگهكریه, دناڤ وان ده شهش كهچ ژی ههبوون, و مالباتێن وان ژ بۆ هیوومهن رایتس مهترسیا خوه یا مهزن لسهر زارۆكێن خوه نیشاندانه و رێژهیهكه كێم ژ وان دكارن پهیوهندیێ ب زارۆكێن خوه ره بكن, دایكا كهچهكه حڤده سالی كو ژ ئالیێ چهكدارێن یهپهگێ ڤه هاتیه رهڤاندن ژبۆ هیوومهن رایتس گۆتیه ئهو بتهنێ دخوازن ناس بكن كهچا وان ساغه یان مریه.
د راپۆرتا هیوومهن رایتس ده هاتیه كو راپۆرتهكه ئهمیندارێ گشتی یێ نهتهوێن یهگكرتی بلهشكهركرنا دوسهد و بیست و چار زارۆكان ل سهر دهستێ چهكدارێن یهپهگێ د دوههزار و حڤدههان ده بهلگهكریه.
ل گۆری وێ راپۆرتێ كو سالا 2017ان پێنج جاران ژ سالا 2016ان, زارۆك بهتر ژ ئاليێ چهكدارێن يهپهگێ ڤه ژبۆ لهشكهريێ هاتنه برن, و دبێژه ئهگهر یهپهگێ براستی بهحسا راوهستاندنا لهشكهركرنا زارۆكان دكه, دڤێ وان ههموو زارۆكان ژ لهشكهریێ دهرخینه, و وان تهڤلی مالباتێن وان بكه, یان ژی ژبۆ دهستهلاتێن سڤیل ژبۆ پاراستنا وان وهرن ڤهگوههزتن.
ل كوردستانا سووریێ ژ دهستپێكا شۆرهشا سووریێ تا نها پهیهدێ و چهكدارێن خوه بسهدان زارۆكێن كورد یێن كهچ و كور رهڤاندنه و دووری خوهندنا وان كرنه, ههژمارهك مهزن ژ وان د شهرێ پهیهدێ ده ل ناڤچهیێن دهرڤهی كوردستانا سووریێ شههیدبوونه, و تا نها ژی گهلهك مالبات تو زانیاریان لسهر زارۆكێن خوه یێن ژ ئالیێ پهیهدێ ڤه هاتنه رهڤاندن نزانن و نهژی دكارن وان ببینن.
586
