ئسرائيل و رۆسيا ژبۆ سووريێ جڤيان
بهرپرسنه ئسرائیلی ل گهل ههفشانێن خوه یێن رۆسی جڤیان و د جڤینێ ده رهوشا دهڤهرێ بگشتی و یا سوریێ بتایبهتی گفتوگو كرن ههروهها ئیسرائیل ههبوونا ئیرانی ل سووریێ رهد كر.
ل گۆری داخویانیهكێ ژ ئوفیسا سهرۆكوهزیرێن ئیسرائیلێ بنیامین نهتنهیاهۆ كو جڤینهك دناڤبهرا شیوهرمهندێ سهرۆك وهزیرێن كاروبارێن ئهولههیا نهتهوهی یێ ئیسرائیلی مائیر بن شبات ل گهل سهروكێ ئهنجومهنا ئهلوههیا رۆسیا نیكولای پاتروشیف ل موسكو هات لدارخستن.
داخویانیا ناڤبۆری ههروهها ئهشكهره كر كو د ڤێ جڤینێ ده مژارێن ههریمێ بگشتی و رهوشا سووریێ بتایبهتی هاتن گفتوگوكرن و تێده بن شبات تهكهز كر كو دڤێ چهكدارێن ئیرانی ژ سوریێ بگشتی وهرن دهرخستن.
ژ ئالیێ خوه ڤه ئهنجومهنا ئهلوههیا روسی راگهاند كو د جڤینێ ده ههردو ئالیان بهحسا مژارێن گرێدایی ههردو وهلاتان ژ ئالیێ ئهولههی ڤه كرن وگرنگی دان ژناڤبرنا تهرورێ د دهڤهرێ ده .
بهیانامهیا رۆسی ههروهها ئهشكهره كر كو ههردو ئالیان رهوشا روژهلاتا ناڤین و یا سوریێ بگشتی گفتوگوكرن ههروهها بهحسا ئهنجامێن لوتكهیا روسی ئیرانی توركی یا كو د حهفتێ ڤێ ههیڤێ ده ل تههرانێ هاتبوو لدارخستن كر.
بهریا نهها ژی رۆسیا سوز دابوو ئیسرائیل كو چهكدارێن ئیرانی دوری سینورێ ئیسرائیل بخه بتایبهت پشتی كۆنترۆلكرنا پارێزگهها دهرعایێ ژ ئالیێ رێژیما سووریێ .
ههر دهم ئیسرائیل داخوازا دهرخستنا چهكدارێن ئیرانی ژ سوریێ دكه, وجار جاران ئێریشێن ئاسمانی ل سهر بنگهه وخالێن وان چهكداران یێن لهشكهری پێك تینه كو د ئهنجام ده ب سهدان كوشتی وبریندار ژ میلیسێن ئیرانی ل سوریێ كهتنه.
494