توركیی كاروانەكە دن یا لەشكەری دەرباسی ناڤا خاكا سوریێ كر

ارك نيوز .. ئارتێشا توركیێ د شاندنا كاروانێن خو یێن لەشكەری دە بۆ ناڤ خاكا سوریێ بەردەوامە ، هەری داوی ژی كو د هەیاما بیست وچار دەمژمێرێن بووری دە بێهترژ بیست وپێنج ئالاڤێن لەشكەری دەرباسی ناڤا خاكا سوریێ بوو..

رەوانگەها سوریێ یا مافێن مرۆڤان راگهاند كو دۆه عەسرێ جارەكە دن ئارتێشا توركیی كاروانە خوە یا لەشكەری كو ژ بیست وپێج ئالاڤێن لەشكەری و لۆجستیك پێك دهات د ریێا دەرگەهێ سینۆری یێ كفرلۆسین رێكر خالین خوە یێ چاڤدیریێ ل دەڤەرا چیایێ الزاویە لباشورێ ئدلبێ ...

رۆژا دووازدێ ڤێ مەهی ژی د ریێا هەمان دەرگەهێ هەڤسینۆری ئارتێشا توركیێ كاروانەكە خوە یا لەشكەری كو ژ پازدە ئالاڤێن لەشكەری كو ژ تانك و زیەریپۆش و ئۆتۆمبیلێن ڤەگوهەستنا لەشكەران پێك هاتبوو دەرباسی ناڤا خاكا شوریێ كر و ل خالێن چاڤدێریێ ل ئدلبی هاتن بجه كرن ..


پێش دەمەكێ رەوانگەها سوریێ یا مافێ مرۆڤان ئەشكەرە كربوو توركیێ د یەك رۆژێ دە ولسەر دوو بەشان كاریە چل وپینج ئالاڤێن لەشكەری ولۆجستیك ژ توركیێ دەرباسی سوریێ بكە و ل خالێن خوە یێن لەشكەری ل گوندەواری ئدلبێ بجه بكە ...

وەكە هەمان رەوانگەهێ دیار كریە كو ژ دەسپێكا راگهاندنا ئاگربەستا راوەستاندنا شەر یا نوو ل ئدلبێ ژ ئالیێ توركیێ و روسیی ڤە هەژمارا ئالاڤێن توركی یێن لەشكەی كو دەرباسی سوریێ بوونە گهشتیە 8075 ئالاڤی سەرباری هەبوونا بێهتر ژ دەه هەزار سەربازێن توركی دناڤا خاكا سوریێ دە ..

رەوانگەهێ دا زانین ژی كو د هەیاما ناڤبەرا سباتا دووهەزار وبیسان تا وەكە ئیرۆ هەژمارا گشتی یا ئالاڤێن لەشكەری توركی یێن كو دەرباسی دەڤەرا كێمكرنا ئاستی شەر بوونە گهشتیە 11575 ئالاڤێن لەشكەری كو ژ زەریپۆش و ئۆتۆمبیلێن ڤەگوهەستنا لەشكەران ، تانك و تۆتۆمبێلین لەشكەری لخوە دگرە ، وگۆت هینژی شاندنا كاروانێن لەشكەری ژ ئالیێ ئارتیشا توركیێ بۆ دەڤەرێن كێمكرنا ئاستێ شەر لسوریێ بتایبەتی ل باژارێ ئدلبێ و گوندەوارێن وی بەردەوامە كو ئەو كاروان ل خالێن جاڤدێریێ تێنە بجهكرن .

322