هەژمارا گشتی یا پێكەتیێن كۆرۆنا لسوریێ گهشتیە 41 هەزار كەس

ارك نیوز .. پشتی بێهتری دەه مەهان لسەر بەلاڤبوونا نەخوەشیا كۆرۆنایێ لسەرانسەری جیهانی رۆژ ب رۆژ و ئامارێن كۆرۆنایێ لسەرانسەری سوریێ بەرب زێدەبوونێ ڤە دچە چێ ل ناڤچەیێن كوردی لرۆژئاڤایێ كوردستانێ بە و چێ ژی ل دەڤەرێن دبن كۆنترۆلا رێژیم و ئۆپۆزسیۆنا سوریێ بە كو حەتا نها كو حەتا نها هەژمارا گشتی یا پێكەتیێن كۆرۆنایێ لسەرانسەری سوریێ گهشتیە چل ویەك هەزاری.

دەربارێ داوین ئامار وپێشهاتەیێن كورۆنایێ ل رۆژئاڤایێ كوردستانێ ئامار رۆژ ب رۆژ زێدەتر دبە ، هەری داوی ژی تۆماركرنا 24 حالەتێن دن یێن توشبوونی ب كۆرۆنایێ .

دەستەیا تەندروستیێ یا بسەر رێڤەبەریا پەیەدێ ڤە د داخویانیەكی دە راگهاند كو د هەیا بیست وچار دەمژمیرین بووری دە 24 كەسێن دن ب كۆرۆنا كەتنە ، كەسەكی ژی ژیانا خوە ژ دەست دایە ..

هەمان دەستەیێ دا دیاركرن كو ژ كۆما پیكەتیان : 4 ل حەسەكێ ، 7 ل قامشلۆ، 8 ل دێركێ ، یەك ل گركێ لەگێ، یەك ل تربەسپیێ، یەك ل رەقا، و 2 ل شهبایێ نە.

هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتێن نوو یێن توشبوونێ بكۆرۆنایێ هەژمارا گشتی یا پێكەتیێن كۆرۆنایێ ل رۆژئاڤایێ كوردستانی گهشتیە 8227 كەسی ژ وێ هەژمارێ 1158 كەس باش بوونە و 283 كەسان ژی جانی خوە ژ دەست دانە .

دەربارێ ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد دە ژی هەژمارا توشبوویان گهشتیە زێدەتر ژ 12 هەزار كەسی پشتی تۆماركرنا حالەتێن نوو یێن توشبونی .

د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بوری دە 95 كەسێن دن ب كۆرۆنایێ كەتنە ، 5 كەسان چانێ خوە ژ دەست دانە ، و 64 كەس ژی باش بوونە

لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 12274 كەسان ، ژ وێ هەژمارێ 5953 كەس بتەمامی باش بوونە و 768 كەس ژی جانێ خوە ژ دەست دانە ..

دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی هەژمار رۆژ ب رۆژ زێدەتر دبە هەری داوی پێكەتنا 28 كەسێن نوو بڤیروسا كۆرۆنایێ.

دڤێ دەربارێ دە پرۆگراما هوشیاری وبەرسڤدانا نەخوەشیان د داخویانیەكە خوە دە راگهاند كو د هەیاما بیست وچار سەعیتێن بووری دە 28 كەسێن دن بگۆرۆنایێ كەتنە ، و 2 كەس ژی مرنە.

لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ پشتی تۆماركرنا حالەتێن نوو گهشتیە 20646 كەسان ، ژ وێ ژمارەیێ13608 كەس باش بوونە و 357 كەسان ژی جانێ خوە ژ دەست دانە ..

477