دهربهدهر بهرههمێن زهيتوونان ل عهفرينێ تالان دكن
د بهردهوامیا سیاسهتێن ئاستهنگكرن و ئالۆزكرنا ژیانا وهلاتیێن عهفرینێ و پێكئانینا بنپیكرنان, بهرههمێن زهیتوونان ل گوندهوارێ عهفرینێ ژ ئالیێ دهربهدهران ڤه تێنه تالانكرن.
مالپهرا رۆژئاڤا نیوز بهلاڤكریه كو هن مالباتێن دهربدهر ل گوندێ نازا و گوندێ مهیدانكێ یێن ناڤچهیا شهرا ل گوندهوارێ عهفرینێ دوه رۆژا چارشهمێ هن بهرههمێن زهیتوونان یێن ههردوو گوندێن ناڤبۆری تالان دكن, ل ژێر بههانهنه جۆر بجۆر مینا كو وان ئهو زهڤی ژ گرووپێن چهكدار كرێ برنه.
مالپهرا ناڤبۆری دایه زانین كو ژ سبهها دوه ڤه مالباتنه دهربدهر بهرههمێن زهیتوونان ل ئالیێ رۆژهلاتێ رێیا ناڤبهرا مهیدانكێ و نازا ده تالان دكن, و دهما وهلاتیێن وان گوندان نهرازیبوونا خوه نیشان دان, وان مالباتێن دهربدهر ب پاراستنا هن چهكداران گوندی ژ ههڤ بهلاڤكرن, ب بههانهیا كو وان ئهو بهرههم ژ ئهبۆ عودهی بهرپرسێ فهیلهق ئهلشام و ئهبۆ خالد ئهلئدلبی بهرپرسێ گرووپا ئهلنوخبه كرێ برنه.
ل عهفرینا رۆژئاڤایێ كوردستانێ ب ههزاران دارێن زهیتوونان ژ ئالیێن جۆر بجۆر ڤه هاتنه شهوتاندن و ژێكرن, توركیێ ب بههانهیا ئاڤاكرنا دیوارێن سینۆری, و پهیهدێ ب بههانهیا ئاڤاكرنا دیوارێن ئاخێ و كۆلاندنا خهندهكان, ونها ژی گرووپێن چهكدار ب بههانهنه جۆر بجۆر.
ل عهفرینا رۆژئاڤایێ كوردستانێ رۆژانه وهلاتی راستی ئاستهنگی و بنپێكرنان تێن, و بدههان وهلاتی تێنه گرتن و رهڤاندن و ئشكهنجهكرن, ژ ئالیهكی ڤه راستی تهقاندنا ماینێن كو پهیهدێ بهریا ژ عهفرینێ وهره دهركرن چاندبوون, و ژ ئالیهكی دن ڤه كریارێن گرووپێن چهكدار ڤه تێن, تهڤی وێ یهكێ رێژهیهكه بلند یا وهلاتیێن عهفرینێ ڤهگهریانه مال و مولكێن خوه, ودناڤا كامپێن لژێر كۆنترۆلا پهیهدێ ده, پهیهدێ رێناده مالباتێن دهربهدهر یێن عهفرینێ كو ڤهكهر مالێن خوه.
657
