نه‌ته‌وێن يه‌كگرتى: بهتري مليونه‌ك وه‌لاتيێن سوريێ ده‌ربه‌ده‌ر بونه
كومیتا ڤه‌كۆلینێ یا نه‌ته‌وێن یه‌گرتی راگهاند كو رێژه‌یا ده‌ربه‌ده‌ریێ ل سووریێ گه‌له‌ك بلند بوویه, كو بوویه بلنترین رێژه ژ دستپێكا كریزا سووریێ به‌ریا حه‌فت سالان.
كۆمیتا ڤه‌كولینێ یا نه‌ته‌وێن یه‌گرتی د راپۆرته‌كه خوه ده دیار كر كو د شه‌ش هه‌یڤێن بووری ده بێهترى ملیون كه‌س د سوریێ ده ده‌ربه‌ده‌ر بوونه وئاگادارى دا ئه‌گه‌ر ره‌وش ل ئدلب خراب ببه وێ هژمارا ده‌ربه‌ده‌ران گه‌له‌ك بلندتر ببه.
سه‌رۆكێ كۆمیتا ڤه‌كۆلینێ یا نه‌ته‌وێن یه‌گرتی باولۆ بینیرۆ گۆت پیویسته هه‌مى ئالى بگهێن رێكه‌فتنه‌كێ ل ئدلبێ ودیار كر نه‌رێزگرتنا هه‌ر ئالیه‌كی ژ به‌رپرسیاره‌تیا خوه ده‌ربارێ سڤیلان نایێ قه‌بول كرن .
بینیرۆ سه‌ربار كر وگۆت پیویسته هه‌می جیهان بزانه كو دڤێ رێژه‌یا ده‌ربه‌ده‌ریێ ل سوریێ وجیهانێ بگشتی كێم ببه بتایبه‌ت كو بێهتری 6.5 ملیون كه‌س ل سوریێ د بن مه‌ترسیا ده‌ربه‌ده‌ریێ ده نه .
كۆمیتێ مه‌ترسیا خوه ژ هژمارا مه‌زن یا ده‌ربه‌ده‌ران یێن كو نه‌ها ل ئدلبێ دمینن نیشان دا كو ژیانا وان هه‌میان د مه‌ترسیێ ده یه ئه‌گه‌ر ئیریش ل سه‌ر ئدلبێ هات پێكئانین.
كومیتا ناڤبووری داخواز ژ هه‌می ئالیێن سووری وجڤاكا ناڤده‌وله‌تی كر گرنگیێ بدن بابه‌تا ده‌ربه‌ده‌رێن هندرێ وه‌لات به‌ریا هه‌مى تشتان .
ژ ئالیێ خوه ڤه كۆمسیارا نه‌ته‌وێن یه‌گرتی كارین ئه‌بۆ زێد راگهاند كو ب ده‌ه هه‌زار كه‌س ب زۆرێ ژ باژار وباژاروكێن خوه هاتن ده‌رخستن ته‌ڤى وێ یه‌كێ پێویسته پیداویستێن ژیانێ ژ وان ره وه‌رن په‌یداكرن ژ ئالیێ ئالیێن كو دانوستاندنان ل سه‌ر وان دكن لێ هه‌می ئالیان ئه‌ڤ یه‌ك نه‌كر .
396
