16ێ مههێ رژيم هلبژارتنێن رێڤهبهريێن خوهجهي لداردخه
رۆژا یهكشهما بێ ئانگو شازدههێ ئهیلونێ هلبژارتنێن رێڤهبهریێن خوهجهی یێن رژیمێ ل سووریێ تێنه لدارخستن, ل ناڤچهیا جزیرا رۆژئاڤایێ كوردستانێ ژی ئامادههیهكه بهرفرهه ژبۆ وان هلبژارتنان هاتیه كرن.
ئیلی میرۆ سهرۆكێ كۆمیتا دادوهری یا شاخێ حهسهكێ ژبۆ هلبژارتنێن رێڤهبهریێن خوهجهی راگهاند كو ل سهرانسهری پارێزگهها حهسهكێ دوههزار و پێنسهد و پازده بهربژێر ههنه, ههروهها حهفسهد و حهفتێ ناڤهند ژبۆ دهنگدانێ هاتنه ئامادهكرن, ئهو ناڤهند ژی ل باژارێ قامشلۆ و حهسهكێ یێن رۆژئاڤایێ كوردستانێ نه.
ل گۆری میدیایا بسهر رژیمێ ڤه كو پارتیا یهكیتیا دیموقراتیك پهیهدێ دهردۆرا سهد بهربژێر گرتنه و سۆزا نهچوونا هلبژارتنان بنڤیسكی ژ وان ستاندیه لژێر گهفا دهستهسهركرنا مال و مولكێن وان.
چالاكڤانێن خوهجهی ژی دبێژن گرتنا بهربژێران ژ ئالیێ پهیهدێ ڤه د چارچۆڤهیا خهلهكا شانۆیێن ناڤبهرا پهیهێ و رژیمێ دهنه.
ئهمیندارێ شاخێ پارتیا ئهلبهعس ل حهسهكێ تركی حسێن ژبۆ رۆژنامهیا ئهلوهتهن یا نیزیكی رژیمێ گۆت هلبژارتنێن رێڤهبریێن خوهجی وێ د دهما خوه یا دهستنیشانكری ده ئانگو رۆژا شازدههێ ڤێ مههێ وهرن لدارخستن.
سهرۆكێ كۆمیتا دادوهری یا بلند یا هلبژارتنان یا رژیمێ سلێمان ئهلقائد د داخویانیهكه رۆژنامهڤانی ده ئهشكهركر كو چل و شهش ههزار بهربژێر ل سهر ئاستا سووریێ ژبۆ وان هلبژارتنان ههنه, ههروهها پێنج ههزار و سێسهد و پێنج ناڤهند ژبۆ وان هلبژارتنان هاتنه دهستنیشانكرن, ژ وان حهفسهد و حهفتێ ل پارێزگهها حهسهكێ نه.
سێ سالن دهما یاسایی یا هلبژارتنێن رێڤهبریێن خوهجهی ل سووریێ بسهردهچوویه, بریار بوو د سالا دوههزار و شازدههان ده بهاتبان لداخستن, ئهو ژی لگۆری یاسایا ژماره سهد و حهفت یا تایبت ب هلبژارتنان, هلبژارتنێن ههری داوی ژی ژبۆ رێڤهبهریێن خوهجهی ل سووریێ د سالا دوههزار و یازدههان ده هاتبوون لدارخستن.
لدارخستنا هلبژارتنێن رێڤهبهریێن خوهجهی ل سووریێ بگشتی و لناڤا باژارێ قامشلۆ و حهسهكێ یێن رۆژئاڤایێ كوردستانێ بتایهتی پشتی شهش سالان ژ دهستهلاتداریا پهیهدێ ل ناڤچهیێن رۆژئاڤایێ كوردستانێ تێن, تهڤی رژاندنا خوینا ب ههزارن جوانێن كورد كو ژ ئالیێ پهیهدێ ڤه هاتبوون رهڤاندن, نهخاسم د شهرێن ل ناڤچهیێن دهرڤهی رۆژئاڤایێ كوردستانێ, و تهڤی ههمانهگی و ههڤكاری ب رژیمێ ره, پهیهدێ نهكاریه تو ئعترافهكه فهرمی یان دهستووری ژ ئالیێ رژیما ئهسهد ڤه وهربگره, و نهژی كاریه رژیمێ ژ ناڤچهیێن رۆژئاڤایێ كوردستانێ دهرخینه.
پشتی شهش سالان ژ دهستهلاتداریێ, پهیهدێ ژ بانگا فدارلیێ داكهت نهناڤهندیا سیاسی و نها تهنی بهحسا نهناڤهندیێ بێ پهیڤا سیاسی دكه, و د جڤینێن پهیهدێ ب رژیمێ ره ل شامێ بهحسا داخوازا رژیمێ ژبۆ بهشداریا پهیهدێ و ناڤچهیێن دبن كۆنترۆلا وێ ده د هلبژاتنێن رێڤهبهریێن خوهجهی ده تێ كرن.
436