توركیێ د شاندنا كاروانێن لەشكەری دە بۆ ناڤا خاكا سوریێ بەردەوامە

ارك نیوز .. ئارتێشا توركیێ د شاندنا كاروانێن خو یێن لەشكەری دە بۆ ناڤ خاكا سوریێ بەردەوامە ، هەری داوی ژی كو د هەیاما بیست وچار دەمژمێرێن بووری دە بێهتری چل وپین ئالاڤێن لەشكەری دەرباسی ناڤا خاكا سوریێ بوونە ...

رەوانگەها سوریێ یا مافێن مرۆڤان راگهاند كو دره دانێ ئێڤاری د ریێا دەرگەهێ كفرلۆسین لباكورێ باژارێ ئدلبێ كاروانەك لەشكەری توركی كو ژ بیست وپێنج ئالاڤێن لەشكەری و لۆجستیك پێك هاتبوو دەربارسی خاكا سوریێ بوو ، و ل گوندێن دەڤەرا چیایێ تلزاویە لباشورێ باژاری ئدلبێ بجه بوو ..

وەكە هەمان رەوانگەهێ دایە دیاركرن كو دەرەنگیا شەڤا ئینێ ، هێزێن توركی د ریا هەمان دەرگەهێ هەڤسینۆری یێ كفرلۆسین دەردۆرا پازدە ئالاڤێن لەشكەری و لۆجستیك رێكر خالێن خوە یێن لەشكەری لگوندەوارێ ئدلبێ ..

رەوانگەها سوریێ یا مافێ مرۆڤان ئەشكەرژی كر كو بڤی یەكێ هەژكارا ئالاڤێن لەشكەری توركی یێن كو دەرباسی ناڤا خاكا سوری بون د هەیاما بیست وچار دەمژمێرین بوری دە دگهیژە چل وپێنج ئالاڤین لەشكەری ژ تانك و زەریپۆش ، و ئۆتۆمبیلێن لەشكەری ، و ئالاڤێن ڤەگوهەستنا لەشكەران ..

وەكە هەمان رەوانگەهێ دیار كریە كو ژ دەسپێكا راگهاندنا ئاگربەستا راوەستاندنا شەر یا نوو ل ئدلبێ ژ ئالیێ توركیێ و روسیی ڤە هەژمارا ئالاڤێن توركی یێن لەشكەی كو دەرباسی سوریێ بوونە گهشتیە حەفت هەزار و حەفسەد و چل وپێنج ئالاڤی .

وسەربار كر ژی كو د هەیاما ناڤبەرا ناڤبەرا سباتا دووهەزار وبیسان تا وەكە ئیرۆ هەژمارا گشتی یا ئالاڤێن لەشكەری توركی یێن كو دەرباسی دەڤەرا كێمكرنا ئاستی شەر بوونە گهشتیە بێهتر ژ یازدە هەزار و هەیشتی ئالاڤێن لەشكەری كو ژ زەریپۆش و ئۆتۆمبیلێن ڤەگوهەستنا لەشكەران ، تانك و تۆتۆمبێلین لەشكەری لخوە دگرە ، وگۆت هینژی شاندنا كاروانێن لەشكەری ژ ئالیێ ئارتیشا توركیێ بۆ دەڤەرێن كێمكرنا ئاستێ شەر لسوریێ بتایبەتی ل باژارێ ئدلبێ و گوندەوارێن وی بەردەوامە كو ئەو كاروان ل خالێن جاڤدێریی یێن توركی تێنە بجهكرن .

265