ئه‌وله‌كاريا ناڤده‌وله‌تي ژبۆ ئدلبێ جڤيا
ئه‌نجومه‌نا ئه‌وله‌هیێ یا ناڤده‌وله‌تی جڤینه‌ك ئاوارته ده‌ربارێ باكورێ رۆژئاڤایێ سوریێ ل دارخست و هه‌ژماره‌ك وه‌لاتێن پێوه‌ندیدار ب كریزا سوریێ هه‌لوێستێن خوه دیاركرن.
شانده‌یێ توركیێ د وێ جڤینێ ده گۆت كو كارینا وان ل سه‌ر حه‌واندنا په‌نابه‌رێن سوریێ نه‌مایه و ئه‌و نه‌ما دكارن په‌نابه‌رنه بهتر یێن كو وێ ژ ئیدلبێ برڤن وه‌رگرن و هه‌ر پرۆسه‌یه‌ك له‌شكه‌ری ل ئیدلبێ وێ پێلێن په‌نابه‌ریێ ل گه‌ل خوه بینه و هه‌ر پرۆسه‌یه‌كه له‌شكه‌ری ل ئیدلبێ وێ گه‌فه‌ك به ل سه‌ر ئه‌وله‌هیا توركیێ و ئه‌وروپا و بانگ ل هه‌موو ئالیان كر ژ بۆ راوه‌ستاندنا هه‌مو پرۆسه‌ێن له‌شكه‌ری و بجهكرنا راوه‌ستاندنا شه‌ر ل ئیدلبێ.
شانده‌یێ ئه‌یرانێ د جڤینا ئه‌نجومه‌نا ئه‌وله‌هیێ ده‌رباری سوریێ ژ ئالیێ خوه ده گۆت كو دڤێ پرۆسه‌یێن له‌شكه‌ری ل سوریێ ب داوی بێن و ململانی ل سوریێ دڤێ ب پرۆسه‌یه‌كه سیاسی برێیا دان و ستاندنان بێ بداوی ئانین و شه‌رێ ته‌رۆرێ ل ئیدلبێ دڤێ زیانێ نه گهینه سڤیلان.
شانده‌یا وه‌لاتێ ئه‌مریكا د ئه‌نجومه‌نا ئه‌وله‌هیێ ده نیكی هێلی ژ ئالیێ خوه ده گۆت كو ئه‌و رێ نادن ئه‌یرانێ كو پێشه‌رۆژا مله‌تێ سوریێ بره‌ڤینه و یا كو ل ئیدلبێ ئه‌شكه‌ره‌كرنه‌كه ژ نه‌سه‌ركه‌فتنا ئاستانا و گۆت ژی كو ویلایه‌تێن یه‌كگرتی گه‌فێ دكه ل هه‌ر ئالیه‌كی كو كیماوی بكاربینه.
شانده‌یێ روسیێ گۆت كو هن وه‌لاتێن ئه‌نجومه‌نێ هه‌نه دخوازن ته‌ڤلهه‌ڤیه‌كێ دناڤبه‌را وه‌لاتێن گه‌ره‌نتۆر یێن ئاستانا ده بكن و ده‌رباریً جڤینا كو ل ته‌هرانێ هاتبوو لدارخستن گۆت كو ئه‌و جڤین بویه نیشانه‌كه گرنگ د هه‌ولێن ڤه‌گه‌راندنا ئاشتیێ ژبۆ سووریێ و گه‌ره‌نتیا لهه‌ڤكرنه‌كه ده‌مدرێژ ژ ره‌وشا سوریێ ره.
شانده‌یێ چینێ هه‌ول و كارینێن وه‌لاتێن گه‌ره‌نتۆر یێن ئاستانایێ ژ بۆ دیتنا چاره‌سه‌ریه‌كه سیاسی ل سوریێ بلند نرخاند.
شانده‌یێ سویدێ گۆت كو دڤێ رێژیم و هه‌ڤپه‌یمانێن خوه رێزێ ل رێكه‌فتنێن ناڤده‌وله‌تی بگرن و بلندكرنا ئاستێ شه‌ر راوه‌ستینن.
شانده‌یێ هۆله‌ندایێ گۆت كو ژناڤبرنا ته‌رۆرێ نه به‌هانه‌یه ژ بۆ كوشتنا سڤیلان و خوه‌پێشاندانێن ئاشتیانه ل ئیدلبێ دیاركر كو ئیدلب نه ته‌نێ جهێ ته‌رۆرستانه و گۆت كو ئه‌و شۆك بوونه ژ ئارمانجكرنا رێخستنا كومێن سپی ل سوریێ و داخواز ژ رووسیێ و ئه‌یرانێ كر كو پرۆسه‌یێن له‌شكه‌ری ل ئیدلبێ راوه‌ستینن.
شانده‌یا بریتانیایێ گۆت كو ئه‌و ل گه‌ل سه‌رۆكێ توركیێ نه ده‌ربارێ گۆتنا وی یا كو د رۆژنامه‌یا وولستریت ژۆرنال ده هاتیه و ئه‌و پشته‌ڤانیا كارێ توركیێ ده‌رباری ئیدلبێ دكن و گۆت كو رێژیما ئه‌سه‌د وه‌لات هاژۆت به‌ره‌ڤ توند و تیژیێ و ته‌كه‌زی ل سه‌ر پێویستیا سه‌زادانا ئه‌سه‌د كر كو تاوان ده‌رحه‌قی سڤیلان ئه‌نجام دانه د سالێن ململانیێ ده و گۆت ژی كو پێویسته ده‌م و پشته‌ڤانی ژ بۆ جوداكرنا ته‌رۆرستان ژ سڤیلان ل سوریێ بێ كرن و به‌حسا بكارئانینا كیماوی ل سوریێ كر ل ده‌ڤه‌رێن كێمكرنا ئاستێ شه‌ر
426
