چارەم رۆژا قەدەغەیا چوون و هاتنێ ل رۆژئاڤایێ كودستانێ

ارك نيوز .. ل هەردوو باژارێن حەسەكێ و قامشلۆ یێن رۆژئاڤایێ كوردستانی قەدەغەیا گشتی یا هاتن و چوونێ كەتە وارێ جیبجیكرنێ دە وئیرو كەتە رۆژا خوە یا چاران دە ، كو بۆ دەما دەه رۆژان وێ قەدەغە بەردەوام بكە .

بریارا قەدەغەیا كشتی لرۆژئاڤایێ كوردستانێ د چارچۆڤەیا رێگریكرن ل بەلاڤبوونا زێدە یا ڤیروسا كۆرنایێ تێ ،كو رۆژا پێنجشەمێ رێكەفتا بیست وشەشێ مژدارێ قەدەغەیا جۆۆن وهاتنێ ل لرۆژئاڤایێ كوردستانێ دەست پێ كر و وێ تا پێنجێ بەرچلەیێ بەردەوامبە .

دڤێ دەربارێ دە خەلكێن رۆژ ئاڤایێ كوردستانێ نەررازیبوونا خوە ددن خویاكرن و دبێژن بریارا قەدەغەیا گشتی لسەر مە بارگرانی یە و گازنان ژڤێ بریارێ دكن و دبیژن توو ژێدەرێن وان یێن ئابووری توونەنە، كو بكاربن هەموو پێدڤیێن ژیانێ یێن سەرەكە بۆ دەما قەدەغەیێ بكرن ، هەروەها دبیژن ژی ژ دەما كو قەدەغەیا گشتی كەتیە وارێ جیبجیكرنێ دە وتا رۆژا ئیرۆ كۆمبوون و قەرەبالغ زێدەتر بوویە بتایبەت لسەرنانخانەیان .

دەستەیا تەندروستیێ یا بسەر رێڤەبەریا پەیەدێ رۆژا بیست ویەكێ مژدارێ بریارا قەدەغەیا گشتی یا چوون وهاتنێ ل هەرچار ناڤچەیێن حەسەكە و قامشلۆ ، رەقا و تەبقایێ راگهاندبوو ، ولگۆری بریارا قەدەغەیێ هەموو دبستان ، زانینگەه ، دایینگە و تەڤایا دام ودەزگەهێن فەری تێنە گرتن و بتەنێ دەزگەهێن خزمەتگوزاریێ و تەڤگەرا بازرگانی ، و دەرمانخانە و نەخوەشخانە و نان خانە ڤەگری دمینن .

209