ئلهام ئهحمهد: مه بههزاران شههيد ژبۆ يهكيتيا خاكا سووريێ دانه
سهركردهيهكه ئهنجومهنا سووريايا ديموقراتيك يا بسهر پهيهدێ ڤه دبێژه "مه ب ههزاران شههيد ژبۆ يهكيتيا خاكا سووريێ دانه".
ئلهام ئهحمهد سهرۆكا جيبجيكار يا ئهنجومهنا سووريايا ديموقراتيك يا بسهر پهيهدێ ڤه د ههڤديتنهكێ ل گهل مالپهرهكه بسهر پهيهدێ ڤه دهربارێ دانوستاندن و جڤينێن ل شامێ, گۆت ئهو يهك تهنێ ههڤديتن و خوهشكرنا ئاتمۆسفێران بوو ژبۆ ڤهكرنا دهريێ دانوستاندنان.
ئهحمهد ههروهها گۆت ئهگهر ئارمانجا وان جودابوون ژ سووريايێ با ئهو نهدچوون شامێ, و ژ دهستپێكا كريزا سووريێ تا نها تو كهسي ژ پێكهاتهيێن باكورێ سووريێ داخوازا جودابوونێ نهكريه.
ئهحمهد سهرباركر كو وان ب ههزاران شههيد ژبۆ يهكيتيا خاكا سووريێ دانينه.
ل رۆژئاڤايێ كوردستانێ ژ هاڤينا سالا دوههزار و دۆزدههان تا وهكه ئيرۆ پارتيا يهكيتيا ديموقراتيك پهيهدێ بههزاران جوانێن كورد يێن كهچ و كور كو ژ ئاليێ وێ ڤه هاتبوون رهڤاندن د شهرێن دهرڤهي رۆژئاڤايێ كوردستانێ ل ناڤچهيێن مينا رهقا, تهپقا, منبج و دێرازۆرێ دانه شههيدكرن و گهلهك جاران ئامادهبوونا خوه ژي ژبۆ پشتهڤانيا رژيمێ ل ناڤچهيێن دن مينا ئدلبێ ددن دياركرن كو ههري داويێ ژي.
رۆژنامهيا گارديان يا بريتاني ئهشكهركربوو كو گرووپهكه چهكدارێن سووريايا ديموقراتيك يێن بسهر پهيهدێ ڤه گههشتيه نيزيكي باژارێ جسر ئهشغوور لباشوورێ ئدلبێ داكو پشتهڤانيا رژيمێ د شهرێ ئدلبێ ده بكه.
639
