5 سال وئه‌حمه‌د سیدۆ ژ ئالیێ په‌یه‌دێ ڤه ره‌ڤاندیه
آرك نيوز .. پێنج سال سه‌ر ره‌ڤاندنا ئه‌ندامه‌كی پارتیا ده‌مۆقراتا كوردستان سووریا ژ ئالیێ چه‌كدارێن په‌یه‌دێ ل تاخه‌كه حه‌له‌بێ ره ده‌رباس دبن وتانها تو دانپێدان ژ په‌یه‌دێ ده‌ربارێ گرتنا وی ده نه هاتیه ده‌ر .
د 10 مه‌ها نه‌هان سالا 2013ان گرووپه‌ك ژ چه‌كدارێن په‌یه‌دێ ئه‌حمه‌د سیدۆ ئه‌ندامێ پارتیا ده‌مۆقراتا كوردستان سووریا ل تاخا شێخ مه‌قسواد حه‌له‌بێ ل پێش مالا وی ره‌ڤاندن وبه‌رڤ جهه‌كه نه‌دیار برن وتا نها تو نووچه ده‌ربارێ ژیانا وی ده ده‌رنه‌كه‌تیه.
ته‌ڤی هه‌ول به‌ردوام ژ مالباتا ئه‌حمه‌د سیدۆ ژبۆ دیاركرنا چارنڤیسا وی لێ تا نها وپشتی ده‌رباسبوونا پێنج سالان سه‌ر ره‌ڤاندن سیدۆ تو ئاگاهی ل سه‌ر وی تونه‌یه ئه‌گه‌ر هین د ژیانێ ده مایه یان هاتیه ته‌رۆركرن.
ئه‌حمه‌د سیدۆ خه‌لكێ گوندێ حسێ یێ ناڤچه‌یا مۆبه‌تا یا عه‌فرینێ یه ونشته‌جیێ تاخا شێخ مه‌قسوود بوو وبه‌ریا كو چار پارتی سالا 2014 ان ده ببن یه‌ك ئه‌و وه‌ك ئه‌ندامێ پارتیا ئازادی ل سووریێ بوو.
به‌ریا دوو رۆژان رۆژا گرتیێ سووریێ بوو كو ژ ده‌سپێكا شۆره‌شا سووریێ وتا رۆژا وه‌كه ئیرۆ ب هه‌زاران ژ وه‌لاتیێن سووریێ ژ عه‌رب و كوردان د زیندانێن رێژیما سووریێ په‌یه‌دێ داعش ئه‌نیا نوسره وگرووپێن ئۆپۆزسیونێ ده هه‌نه وپرانیا وان د زیندانێن سووریێ ده نه كو به‌ریا نها ناڤێ 10000 ناڤێن گرتییان یێن دبن ئه‌شكه‌نجه‌ێ ده هاتبوون ته‌رۆركرن به‌لاڤكر وته‌ڤێ وێ یه‌كێ ب سه‌دان د زیندانێن په‌یه‌دێ ورێژیمێ ده نه وه‌ك سه‌ركرده وئه‌ندامێن په‌ده‌كه‌سێ گرتی نه كو د 24/10/2012 ان ده ئه‌ندامێ پۆلیتبیرۆیا پارتیا ده‌مۆقراتا كوردستان سورویا ژ ئالیێ په‌یه‌دێ هاتیه رڤاندن و چاره‌نڤیسا وی نه دیاره هه‌روه‌ها پارێزه‌ر ئدریس عه‌لۆ كو د8/11/2013ان ده ژ په‌یه‌دێ ڤه هاتبوو ره‌ڤاندن سه‌رباری مهحه‌مه‌د سیدۆ كو 5/11/2013 هاتیه ره‌ڤاندن و عه‌بدالرحه‌من ئاپۆ ئه‌ندامێ كۆمیتا ناڤه‌ندی یا په‌ده‌كه‌سێ كو د 12/7/2017 ڤه هاتبو ره‌ڤاندن وب ده‌هان ژ گرتتیان تو زانیاری ل سه‌ر وان تونه‌نه و دانپێدانه‌ك فه‌رمی ژ په‌یه‌دێ ده‌ربارێ گرتیێن ناڤبۆری ده‌رنه‌كه‌تیه.
ش.ع
503
