1000مالباتێن عهفرينێ ل كۆبانێ وجزیرێ د رهوشهكه خراپ ده دژین
گرووپێن چهكدار یێن ل عهفرینێ ب بنپێكرنێن خوه دهرحهقێ وهلاتیێن كورد یێن عفرینا رۆژئاڤای كوردستانێ ده بهردهوامن وب كارێ رهڤاندن وگرتنا سهر مالان رادبن .
راوهنگهها سووریێ یا ماڤێ مرۆڤان راپۆرتهكه بهلاڤكر وتێده گۆت كو دهردۆرا 45 كهسان ژ دهڤهرا شێراوا یا عهفرینێ ژ ئالیێ گرووپێن چهكدار ڤه د 3ێ مهها ئێلون ڤه هاتنه رهڤاندن وتا نها تو زانیاری و ئاگاهی ل سهر چارهنڤیسا وان تونهنه وههرد دچه بنپێكرن دهرحهقێ وهلاتییان ده زێدهتر دبن .
رهوانگههێ ل گۆر ژێدهرێن خوه بالكشاند سهر وێ یهكێ كو ژبهر بنپێگرنان ب دههان ژ وهلاتیین كورد نهچار دبن بهرێ خوه بدن دهرڤهی عهفرینێ ب تایبهت رۆژههلاتێ فراتێ وپرانیا وان ژ بهر دیاردهیا خوهستنا پهریان ل ههمبهر سهربست بهردان وان د دهما گرتنێ ده ههروهها تۆمهتێن جۆدا جۆدا ل سهر وان تێنه سهباندن دهرڤن .
رهوانگهها سوری یاماڤێ مرۆڤان راگهاند كو دهردۆرا 1000 مالبات ل گوبانێ وجزیرێ ل رۆژههلاتێ فراتێ دمینن ورهوشا وان یا مرۆڤی گهلهك خرابه وتوئالیكاری ژ وان ره نایێ پێشكێشكرن ونهگوهدانهك ژ رێڤهبهریا پهیهدێ یا خوهسهر دهربارێ رهوشا وان مالباتان ده ههیه سهرباری تونهبوونا كار ودهرڤهتێن كو مرۆڤ دهربارا ژیانا خوه دابین بكه كو بهشهك ژ وان ئهو رهوش ژ رهوانگههێ ره دابوون خویاكرن وبانگا پێشكێشكرنا ئالیكاریان كربوون كو مال وملكێن خوه ل پاش خوه ل عهفرینێ هشتن ونها ژی راستی خهسماری ونهگوهدانێ تێن .
روهنگهها سووری دا دیاركرن كو گرووپێن چهكدار پهریان ل سهر رێبدهنێن خوه ل سهر وهلاتیێن عهفرینێ دسهپێنن وههر ئۆتۆمبێلهك دهرباس ببه دڤێ پهریان بده وب تایبهت ل گوندێ باسووتێ.
وژبهر رهوشا ئهولكاریێ خهلك ب شهڤێ نكارن ب سهربستێ دهركهڤن وئهو یهك دهێله كو گرووپ ب سهربست كارێ دزیێ بكن وبهریا پێنج رۆژان ئهمبارهكه مهزن ژ ناڤهندا باژێر هاته دزین تێده كهل وپهلێن ئهلكتریكێ وناڤ مال ههبوون.
وگهلهك جاران گرتن وبنچاڤكرن تێنه ئهنجامدان ب تۆمهتێن كو گلی ل دژی وان ره چوویه لێ مهبست ژێ خوهستنا پهریان وئافراندنا ئهستهگی ورێگرییانه كو د چارچۆڤهیا 48 دهمژمێران ده دهرۆرا 40 كهسی هاتنه گرتن وتا نها بێ چارهنڤیسن.
دوه ئهنجومهنا نشتیمانی یاكور ل سووریێ داخویانییهك شهرمهزاریێ دهربارێ بنپێكرنێ گرووپێن چهكدار ونهگوهدانا توركیێ وهك وهلاتهكه داگیركهر بهلاڤكر تێده مهترسییا شهرێ ئدلبێ ل سهر گوههرتنا دهمۆغرافیا عهفرینێ دا زانین و ژ خهلكێ خوهست كو ب خاك وگوندێن خوه وهرن گرێدان ومال ووارێن خوه بهرنهدن .
ش.ع
443