ئه‌نه‌كه‌سه‌ گرتنا عومه‌ر كالۆ ژ ئاليێ رژيما ئه‌سه‌د ڤه‌ شه‌رمه‌زار كر

ئه‌نجومه‌نا نشتيماني يا كورد لسووريێ گرتنا رۆژنامه‌ڤان عومه‌ر كالۆ ژ ئاليێ رژيما ئه‌سه‌د ڤه‌ شه‌رمه‌زار كر و بانگا سه‌ربه‌ست به‌ردانا كالۆ كر.

د داخويانيه‌كێ ده‌ ئۆفيسا راگهاندنێ يا ئه‌نجومه‌نا نشتيماني يا كورد لسووريێ گۆت گرتنا كالۆ ب ڤي شێوه‌يێ هۆڤانه‌ يه‌ك ژ ئه‌زموونێن كو راستيا رژيمێ و ئامێرێن وێ يێن ئه‌وله‌كاري ژبۆ رووبرووبوونا پێشهاته‌يێن سياسي ديار دكه‌‌ نه‌خاسم ئدعائێن رژيمێ ب بانگا دانوستاندنان ژبۆ كێمكرنا ململانيێ د رێيا په‌يداكرنا چاره‌سه‌ريه‌كه‌ سياسي ژبۆ كريزا سووريێ ئانگو بجيكرنا ئه‌وله‌كاري و ئاراميێ د سووريێ ده‌.

ئۆفيسا راگهاندنێ يا ئه‌نه‌كه‌سه‌ د داخويانيا خوه‌ ده‌ گرتنا كالۆ ب توندي شه‌رمه‌زار دكه‌ و بانگا سه‌ربه‌ستبه‌ردانا يه‌كسه‌ر ژبۆ عومه‌ر كالۆ و هه‌موو گرتيێن سياسي د زيندانێن رژيما سووريێ ده‌ و پێچاندنا دۆسيايا گرتنا سياسي كر و گۆت كو ده‌ما گرتنا سياسي ب سه‌رده‌چوويه‌ ژبۆ پشته‌ڤانيا هه‌ولێن ناڤده‌وه‌لتي ژبۆ بجيكرنا ئه‌وله‌كاري و ئاراميێ د سووريێ د ب رێيا دوباره‌ئاڤاكرنا سووريێ وه‌كه‌ ده‌وله‌ته‌كه‌ فدرالي ب سيسته‌مه‌كه‌ ديموقراتي كو مافێ هه‌موو پێكهاته‌يان يێن نه‌ته‌وه‌ي و نشتيماني و دناڤ ده‌ گه‌لێ كورد پاراستي بن لگۆري به‌لگه‌نامه‌ و په‌يمانێن ناڤده‌وه‌لتي.

رۆژنامه‌ڤان عومه‌ر كالۆ بخوه‌ خه‌لكێ ده‌ڤه‌را كۆباني يا رۆژئاڤايێ كوردستانێ يه‌ و رۆژا بيست و پێنجێ ته‌باغا بۆري ده‌ما دخوه‌ست بچه‌ حه‌له‌بێ لگه‌ل خێزانا خوه‌ ژبۆ نووكرنا پاسه‌پۆرتا خوه‌ ژ ئاليێ رێبه‌ندا رژيمێ يا نيزيكي منبجێ هات گرتن و ل طؤري ئاطاهيان كو كالۆ ژبۆ شاخێ فله‌ستين يێ ئه‌وله‌كاري ل شامێ هاتيه‌ ڤه‌گوهه‌ستن و تا نها چاره‌نڤيسا وي نه‌هاتيه‌ ناسكرن.

530