ئهنهكهسه رهڤاندنا دوو ئهندامێن پارتيا يهكيتي يا كورد ل سووريێ ژ ئاليێ پهيهدێ ڤه شهرمهزار دكه
ئهنجومهنا نشتیمانی یا كورد ل سوریێ گرتنا دو ئهندامێن خوه ل سهر دهستێ چهكدارێن پهیهدێ شهرمهزار كر ودیاركر كو تشتێ كو پهیهدێ ل كوردستانا سوریێ كر رێژیما سوریێ نكاریبو بكه.
ئهنجومهنا نشتمانی كورد ل سوریێ د داخویانیهكێ ده راگهاند كو میلیسێن ب سهر پهیهدێ ڤه مالا فرحان مرعی سهركردهیێ پارتیا یهكیتی یا كورد ل سوریێ ل رمێلان دوه دورپێچ كر.
داخویانیا ناڤبوری ئهشكهره كر كو میلیسێن پهیهدێ دو ئهندامێن پارتیا یهكیتی یا كورد یێن بناڤێ صالح مهرعی وعهرهفات عبدو دهما كو ژ مالا فرحان مرعی ڤهدگهریان گرتن وبهرڤ جههكی نهدیارڤه برن .
ئهنجومهنا نشتمانی یا كورد ل سوریێ ڤان كریاران شهرمهزار دكه وتهكهز دكه ژ جهماوهرێ خوه ره كو ئهڤ كارێن نه بهرپرسیار وێ ڤهناگرینه ژ رێیا پروژهیا نهتهوهی كوردی ل كوردستانا سوریێ .
ههروهها ئهنهكهسێ بانگ ل هێزێن كوردستانی وناڤدهولهتی ورێخستنێن مروڤی وناڤدهولهتی كر كو ڤان كریارێن بهرۆڤاژیێ ههمو یاسایێن ناڤدهولهتی ره راوهستینن.
ههر دهم ودهمهكێ چهكدارێن پهیهدێ ههژمارهك ئهندام وسهركرده وجهماوهرێن ئهنجومهنا نشتمانی یا كورد ل سوریێ دگرن وبهرڤ جههكی نهدیار ڤه دبن تهڤی كو هین ههژمارهك گرتیێن ئهنهكهسێ د زندانێن پهیهدێ ده نه وچارهنڤیسا وان نه دیاره.
406
