كولێژێن حهسهكێ ديسان هاتن ڤهكرن
پشتی دهردۆرا بیست رۆژان ژ گرتنێ, جارهكه دن كولێژێن زاینگهها حهسهكێ بتمامی وێ وهرن ڤهكرن.
رێڤهبرێ ناڤهندا ئێزگهه و تلفزیۆنا رژیمێ ل حهسهكێ فادل حهماده ل سهر رووپهلا خوه یا فیسبووكێ بهلاڤكریه كو ژ ئیرۆ رۆژا شهمیێ ههشتێ ئهیلوونێ ڤه وێ ههموو پهیمانگهه كۆلێژێن زانینگهها فراتێ ل حهسهكێ وێ وهرن ڤهكرن.
ناڤبۆری ڤهكرنا وان كولێژان ڤهدگهرینه ژبۆ سڤككرنا ماندیوونا رێیان ژبۆ خوهندهكاران و ژبۆ بهربهلاڤبوونا خوهندنێ.
د ههر دهم و دهمهكێ ده پهیهدێ و رژیم پرۆبلهمهكێ دهردخن هۆلێ و ئهنجامێن وێ پرۆبلهمێ تهنێ د سهرێ وهلاتیان ره دهردكهڤه, د ڤێ دهما داویێ ده ژی بهحسا خوهندن و پرۆسهیا خوهندنێ هات كرن, رژیمێ ژی ل ژێر وێ بههانهیێ ژ رۆژا بیستێ تهباغێ ڤه ههموو گولێژێن زانینگهها فرات ل حهسهكێ گرتبوون.
بهریا نها ژی گهلهك جاران ژبهر دوروستكرنا ناكۆكیان ناڤبهرا پهیهدێ و رژیمێ ده و بتایبهت د دهمێن پێشكێشكرنا ئهزموونان ده دهركهتنه, و دهما ئهزموونان دهات پاشخستن, و زیاندار تهنێ خوهندهكارن, و پشتی وێ یهكێ دیسان رژیم و پهیهدێ ل ههڤدكن و كولێژێن حهسهكێ ڤهدبن.
ل گۆری شرۆڤهكاران كو گرتن و ڤهكرنا كولێژان ل حهسهكێ خهلهكهكه دنه ژ زنجیرا شانۆیێن رژیم و پهیهدێ, كو ل شامێ ب ههڤ ره دچڤن,و ههمانهگی تا رادهیهكه بلند ناڤبهرا ههردوو ئالیان ده ههیه, د ههمان دهمێ ده ل جه جهان كێشهیان پهیدادكن داكو ژ وهلاتیان ره بێژن كو ناكۆكی ناڤبهرا ههردوو ئالیان ده ههنه.
پهیهدێ دهست دانیه سهر پرانیا دبستانێن رۆژئاڤایێ كوردستانێ و رێبازێن خوه داخستنه وان دبستانان, و ئهو رێباز و پرۆسهیا خوهندنێ یا پهیهدێ ژ ئالیێ رێبازناس و ئالیێن سیاسی ڤه ب ئایدیۆلۆچكری و نهپسپۆریا مامۆستهیان تێ تۆمهتباركرن, و ژبهر وێ یهكێ ب ههزاران مالباتێن كورد ژ رۆژئاڤایێ كوردستانێ ژبهر خوهندنا زارۆكێن خوه كۆچبهر بوونه
348
