قهدهغهيا هاتنوچوونێ ل 3 تاخێن عهفرينێ هات راگهاندن
قهدهغهیهكه چوون و هاتنێ ڤهكری ل سێ تاخێن عهفرینا رۆژئاڤایێ كوردستانێ بێ دیاریكرنا سهدهمان هات راگهاند.
د هشیارنامهیهكه نڤیسكی ده, كو ژ ئالیێ ئۆفیسا ئهولهكاری یا فهیلهقا سێیان یا گرووپێن چهكدار ل عهفرینێ ڤه هاتیه مۆركرن , بانگ ل وهلاتیێن ههرسێ تاخێن سناعه ئهشرهفیه و ترندێ یێن عهفرینێ هات كرن كو چوون و هاتن پشتی دهمژمێر ههشتێ ئێڤارێ قهدهغهیه ل ژێر كهفا سزادانێ.
هشیارنامهیا ئۆفیسا ئهولهكاری ژ سێ خالان پێك تێ:
-خالا یهكهم چوون و هاتن پشتی دهمژمێر ههشتێ ئێڤارێ ل ههرسێ تاخێن ناڤبۆری قهدهغهیه و ههر كهسێ ل كۆلانان بێ دیتن پشتی دهمژمێر ههشت وێ وهره سزادان بتۆمهتا بنپێكرنا بریاران
-خالا دویهم دڤێ ههر مالهك یان ئاڤاهیهك چرایهكێ ل پێشیا دهرگهه دانن ژبۆ رێگرتن لپێش پرۆسهیێن رهڤاندن و دزیێ
-خالا سێیهم قهدهغهكرنا چوون و هاتنێ ژ چارێ ڤێ مههێ دهستپێكریه تا دهمهكه نهدیار, و بانگ ل وهلاتیان كر كو ههڤكاریێ ژبۆ جیبجیكرنا وان بریاران هات كر
ل گۆری ژێدهرهكی تایبهت ب ئاركێ ژ ناڤا عهفرینێ كو سهدهما وێ قهدهغهیا چوون و هاتنێ ڤهدگهره بهربهلاڤبوونا دزی و تالانكرنێ , و ههر چهكدارهك لناڤا باژێر گرێدای ب گرووپهكێ ڤه یه و ل سهر كهیفا خوه چوون وهاتن و ئاستهنگی و بنپێكرنان پێك تینه, ژبهر وێ یهكێ ئهو بریار هات ستاندن داكو رێ ل بهر وێ بێسهروبهریێ وهره گرتن.
ل عهفرینا رۆژئاڤایێ كوردستانێ رۆژانه, تالانكرن و گرتن و رهڤاندن, وستاندنا پهرهیان ژ وهلاتیێن كو دخوازن ڤهگهرن سهر مال و مولكێن خوه تێنه روودان, وهلاتی ژی ناڤبهرا بنپێكرنێن گرووپێن چهكدار و تهقینا ماینێن كو ژ ئالیێ چهكدارێن پهیهدێ ڤه هاتبوون چاندن بهریا كو ژ عهفرینێ وهرن دهركرن, د ژیانهكه ئالۆز ره دهرباس دبن, و بدههان وهلاتیێن سڤیل بوونه قوربانیا وان تهقین و بنپێكرنان.
992
