پەدەكەسێ نامەیەك سپاسیێ بەلاڤ كر

ارك نيوز .. ب بۆنەیا كۆچباركرنا محمد ئەمین عباس ئەندامی كۆمیتەیا ناڤەندی یا پەیەكەسێ ، كۆمیتەیا ناڤەندی یا پارتیا دیمقراتا كوردستان سوریا نامەیەك سپاسییێ ئاراستیی سەرۆك بارزانی و سەكرەتەری پارتیا دیمقراتا كوردستان سوریا و تەڤایا ئالی و پارتیێن كوردی و كەسایەتیێن رەوشەنبیر و جڤاكی و سیاسی یێن كو بەشداری د شینا خەباتكار محمد امین عباس دە كرنە كر .

كۆمیتەیا ناڤەندی یا پارتیا دیمقراتا كوردستان سوریا د دەستپێكا نامەیا خوە دە سپاسیا سەرۆك مسعود بازانی لسەر بروسكا بەهیداریی یا كو بەلاڤ كربوو ب بۆنەیا كۆچا داوی یا ئەندامی كۆمیتا ناڤەندی یا پەدەكەسێ محمد امین عباس كو تێدە سەرساغی ژ مالباتا خوەدێ ژێ رازی و پارتی و هەڤال و دۆست و كەس وكارێن وی رە خوەستبوو ، هەروەها سەركردایەتیا پارتیا دیمقراتا كوردستان سوریا د هەمان نامەیا سپاسیێ دە سپاسیا تەڤایا ئەندامێن د ئەنیا ئاشتی و ئازادیێ دە ، ئەندام وئالیگرێن ئەنجومەنا نشتیمانیا كورد لسوریێ ، تەڤایا پارتیێن كوردی لرۆژئاڤایێ كوردستانێ ، چالاكیێن چاند و جڤاكی و كۆمیتەیێن مافێن مرۆڤان ، و دام ودەزگەهێن سڤیل و یكیتیێن نیڤیسكار و ژن و وچوانێن كورد لسوریێ ، روسپیێن ئێلێن كورد و عەرەب ، و كەسایەتیێن رەوشنبیر وجڤاكی وسیاسی ، و كەسایەتیێن خرستیان وزانایێن ئۆلی كر .

هەروەها كۆمیتەیا ناڤەندی یا پەدەكەسی سپاسیا گەلێ كورد لرۆژئاڤایێ كوردستانی وبتایبەت ئەو كەسێن كو ب ئەركێ خوە رابوون و بەشداری د ڤەگوهەستنا جەنازەیا خوەدێ ژێ رازی ژ هەریما كوردستانێ بۆ رۆژئاڤایێ كوردستانێ تا بخاكسپارتنا وی ل زێدێ وی گوندێ قاستەپانێ یێ بسەر دەڤەرا چل ئاڤا ڤە كر ، هەروەها سپاسیا هەر كەسێ كو د مەراسیمێن بەهیداریێ دە ئامادەبوون یان ژی دریێا پەیوەندیێن تەلیفۆنی و تۆرێن جڤاكی دە بەشداری د شینێ دە كرن ، هەروەها سپاسیا خەلگێ گوندێ قاستەپان لسەر كار و خزمەتا وان د شینا خەباتكار محمد ئەمین عباس دە كر .

369