شرۆڤەکارێ سیاسی فەواز مەحموود راگەهاند ئەگەر کورد یەکرێزیێ دروست بکە , وێ زەرەرمەندێ سەرەکە بە ل سووریێ

شرۆڤەكارەكی سیاسی ژ رۆژئاڤایێ كوردستانێ داخویاكرن كو پشتی حەفت سالان ژ كریزا سووریێ و وێرانكرنا ژێرخانەیا سووریێ و كوشتن و كوچبەركرنا خەلكێ وێ ژ ئالیێ رێژیما ئەسەد ڤە , رێژیمێ كاری هن ئالیێن دن ب خوە ڤە گرێ بدە, و د دەمەكە نێزیك دە ل سووریێ وێ كورد یێ هەری زەرەرمەندێ بن و دەمەكا درێژ دڤە تاكو كاریبن جهێ خوە جارەك دن بگرن.

د داخویانیەكی تایبەت دە ژبۆ مالپەرا ئاركێ شرۆڤەكارێ سیاسی یێ كورد فەواز مەحموود گۆت كو ئارمانجا رووسیێ ژ سیاسەتا وێ د سوریێ دە بداوی كرنا كریزا سوریێ و ئۆپۆزسیۆنا لەشكەری یە , هەروەها چارەسەركرنا رەوشا ئەولەهی ل سوریێ یە , وهەول ددە شەرعیەتێ ب رێژیما ئەسەد ل سەر ئاستێ ناڤدەولەتی بدە .

شرۆڤەكارێ سیاسی سەرباركر وگۆت كو رۆسیا بانگەكێ ژبۆ دووبارەئاڤاكرنا سووریێ و ڤەگەرا پەنابەران دكە , لێ ئەو یەك ژئالیێ ویلایەتێن یەكگرتیێن ئەمریكا و دەولەتێن گەرەنتۆر ڤە نایێ قەبوول كرن , و تەكەزیێ ل سەر چارەسەریا سیاسی ژ كریزا سووریێ رە وچوونا سەرۆكێ رژێما سووریێ بەشار الاسد دكن .

فەواز مەحموود دازانین نەها هەول تێنە دان كو چەك و كەل وپەلێن شەر ژ دەستێ گرووپێن چەكدار وەرنە دەرخستن , وەكو رێكەفتنێن كو ل غووتەیا رۆژهەلاتا شاما پایتەختا سووریێ و پارێزگەها دەرعا هاتنە ئەنجامدان , وسەرباكر وگۆت نەها ل پارێزگەها ئدلبێ ژی ئەو یەك تێ ئەنجامدان داكو چەكێن گران ژ دەستێ جەبهەت ئەلنوسرە وەرنە دەرخستن .

دەربارێ دۆزا كوردی ل رۆژئاڤایێ كوردستانێ و سیاسەتێن كو ل سەر كوردان تێنە سەپاندن فەواز مەحموود گۆت كو ئەو سیاسەتێن ل دەڤەرێ ب گشتی تێنە ئەنجامدان سوودێ نادە كوردان و مافێ ملەتێ كورد بدەست ناخە , و و ئەمەریكا یا كو دبێژە ئەو ئالیكاریا چەكدارێن قەسەدێ دكە تو بەرنامەیا وان دەربارێ پرۆسەیەكە كوردی ل دەڤەرێ تونەیە , وەكو چاوە ل عەفرینا رۆژئاڤایێ كوردستانێ تو ئالیكاری ژ قەسەدێ رە پێشكێش نەكر, و ب تەنێ ئەو ژبۆ بەرژەوەندیێن خوە بكارئانین وەكو چاوا بەری نەها رێژیمێ ئەو بكارئانین.

شروڤەكارێ سیاسی گوت كو رۆسیێ ژی تو گوهدانێ نادە رۆژهەلاتێ فەراتێ لێ ب تەنێ رێكەفتنان ب هن ئالیێن هەرێمێ رە دكە.

د داویا گۆتنا خوەدە شرۆڤەكارێ سیاسی فەواز مەحمود گوت كو د نەرینا وی دە كورد ل رۆژئاڤایێ كوردستانێ د دەما بێ دە وێ ئالیێ هەری زەرەرمەندن بە , و ئەو زەرەر وێ بۆ دەمەكە درێژ بەردەوام بكە.

703