سیمار سێگركی:خوەندن ل رۆژئاڤایێ کوردستانێ د قۆناغەکە گەلەک خراب دە دەرباس دبە

پسپۆرەكی پەروەردەیێ دبێژە كو سیستەما خوەندنێ ل سووریێ ب گشتی و رۆژئاڤایێ كوردستانێ ب تایبەت د قوناغەكە گەلەك مەترسیدار دە دەرباس دبە .

د داخویانیەكە تایبەت دە ژ بۆ سایدا ئاركێ پسپۆرێ پەروەردەیێ سیمار سێگركی گۆت كو باندۆرا ئەنجامێن كریزا سووریێ ل وارێ سیاسی و مرۆڤی و ئابوری گەلەك خراب بوون , لێ ئەنجاما هەری مەترسیدار د كریزا سوریێ دە هاتی ئەنجامدان گوهارتنا سیستەمێ خوەندنێ و پەروەردەیێ بوو ژ بۆ بەرژەوەندیا هن ئالیان.

پسپۆرێ پەروەردەیێ دازانین كو رێژیما ئەسەد و دار ودەستێن وێ كارین سیستەما پەروەردەیێ و خوەندنێ د جڤاكا كوردی دە وێرانك بكن , ود دەما نهادە سیستەما خوەندنێ و پەروەردەیێ ل سووریێ ب گشتی و ب تایبەتی ل دەڤەرێن رۆژئاڤایێ كوردستانێ كەتیە قۆناغەكە مەترسیدار دە .

هەروەها سێگركی گۆ ت كو پەیەدە د ریێا سەرپەرشتیا دام ودەزگەهێن پەروەردەیێ وئاوایەكی رێبازكری بەردەوام هەولا شووشتنا مەژیێ جوانێن رۆژئاڤایێ كوردستانێ ددە , ونفشێ نوو یێ رۆژئاڤایێ كوردستانێ ژ بۆ بەرژەوەندیێن خوە یێن تایبەت ب كار بینە , وب ڤی رەنگی نها نفشەكی دوور ژ خوەندن وزانستێ ل رۆژئاڤایێ كوردستانێ پەیدابووە.

سیمار سێگركی د داویا گۆتنا خوە دە دازانین كو پەیەدێ بوو سەدەما دەربدەریا هژمارەك مەزن ژ خەلكێ ژ بۆ دەڤەرێن دبن كۆنترۆلا رێژیما ئەسەد دە , هەروەها بوو سەدەما پەنابەریا ب هەزاران ژ خەلكێ بەرڤ وەلاتێن هەرێمی ویەكیتیا ئۆرۆپا , ئەوژی ژ بەر كو سیستەمێ خوەندنێ ل رۆژئاڤایێ كوردستانێ هاتە ژناڤبرن .

466