سەرێ كانیێ .. د مەها ئەیلۆنێ دە پێنج تەقینێن تەروریستی هاتن روودان
ارك نيوز .. ل باژارێ سەرێ كانیێ یێ رۆژئاڤایێ كوردستانێ د مەها ئەیلۆنێ زنجیرەك تەقین هاتن روودان و د ئەنجامێ دە قربانی كەتن .
لگۆری ژێدەرێن خوەجەهی ژناڤا سەرێ كانیێ راگهاندنە كو گروپێن چەكدار یێن پشتەڤانكری ژ ئالیێ توركیێ ڤە د ڤێ مەهێ دە پێنج تەقینێن بهێز لباژارێ سەرێ كانیێ پێك ئانینە .
هەمان ژێدەران دانە خویاكرن كو د ئەنجاما وان هەر پێنج تەقینێن تەروریستی دە حڤدە سڤیل جانێ خوە ژ دەست دان ، و سیه وپێنج كەس ژی برینداربوون .
وەكە هەمان ژێدەران دیار كرنە كو ل رێكەفتا دووازدێ ڤێ مەهێ دوو تەقین ب ریێا بومبەیەكە دەستچێكری هاتە ئەنجامدان و د ئەنجامێ دە سێ كەس جانێ خوە ژ دەست دان و نەه كەس ژی برینداربوون ، رۆژا بیست وچارێ هەمان مەهێ دوو تەقینێن دن هاتن روودان یەك بریێا مۆتۆرسیكلەك بومبەكری بوو ویان دن ژی ب ریێا ئۆتۆمبیلەك بومبەكری بوو كو د ئەنجاما وان هەردوو تەقینان دە چار وەلاتیێن سڤیل جانێ خوە ژ دەست دان لگەل برینداربوونا سێزدە كەسێن دن ، وداوین تەقین ژی بەریا دوو رۆژان بوو كو د ئەنجاما تەقینا ئۆتۆمبیلەكە بومبەكری لگوندەوارێ سەرێ كانیێ حەفت سڤیل جانێ خوە ژ دەست دان و دووازدە كەس ژی برینداربوون .
344
