جڤینا پارتیا دیموكراتا كوردستان سوریا وپارتیا پێشڤەرۆا دیموكراتی كوردی ل سووریا .. نەرین وشرۆڤە

پشتی كو هەردوو پولیتبیروێن پارتیا دیمقراتا كوردستان سوریا و پارتیا پێشڤەروا دیمقراتا كورد ل سوریا ل باژارێ قامشلو جڤیان , و د جڤینێ دە پێشهاتەیێن داوی یێن رەوشا سیاسی ل سوریێ ل سەر ئاستا نشتیمانی یا سوریێ و نەتەویا كوردی گەنگەشەكرن .. و د هەمان دەمێدە هەردوو ئالیان تەكەزی ل سەر نێزیك بوونا ئالیین كوردی ل سوریێ و دەرباسكرنا ناكۆكین بچوك د ڤێ رەوشا هەستیار دە ژبو بەرژەوەندیا گەلێ كورد ل سوریێ كرن هەڤ دەمێ تەكەزكرنا بەردەوامیا پەیوەندیان د ناڤبەرا هەردوو ئالیان دە , گەلەك نەرین ودەنگڤەدان ب دووڤ خوەڤە ئانی..
د لێدوانەكە تایبەت دە ژ بۆ ئاركێ نافع بەیرۆ ئەندامێ پۆلیبیرۆیا پارتیا دیموكراتا كوردستان سوریا راگەهاند كو پێشهاتە وگوهارتنێن داوی ل سەر قادا سووری , وێ چەندێ ددنە خویاكرن كو پێویستە دەست ب یەكرێزیا ناڤ مالا كوردی وەرە كرن داكو مافێن گەلێ كورد ل رۆژئاڤایێ كوردستانێ د سووریا نوودە وەرنە چەسپاندن .
هەروەها گۆتژی كو وەكە پارتیا دیموكراتا كوردستان سووریا دخوازن د پێشەرۆژێ دە كارێ هەڤبەش ل گەل پارتیا پێشڤەرۆا دیموكراتی یا كورد ل سووریێ ئەنجام بدن , ژ بەر كو رەوشا سووریێ ورۆژئاڤایێ كوردستانێ ب تایبەتی د دەما نها گەلەك هەستیارە , ودەرفەتەكە هاتیە هۆلێ ژ بۆ چەسپاندنا مافێن گەلێ كورد ل رۆژئاڤایێ كوردستانێ , وپارتیا دیموكراتا كوردستان سوریا ناخوازە ئەڤ دەرفەت ژ دەست بچە .
وژئالیێ خوەڤە شلال گەدۆ ژ ئاركێ رە راگەهاند كو هەر گۆتووبێژەك ناڤبەرا ئالیێن كوردی دە ل رۆژئاڤایێ كوردستانێ پێنگاڤەكەپیرۆزە , ژ بەر قۆناغا كو نها سووریێ تێدە دەرباس دبە نیشانەیا ب داوی ئانینا كریزا سووریێ ددە خویاكرن , وبێگومان دۆزا گەلێ كورد ل رۆژئاڤایێ كوردستانێ پێویستی ب ئەكتیڤكرنا رۆلا سیاسیا كوردی هەیە .
هەروەها داخویاكرن وگۆت ئەڤ گۆتووبێژی ناڤبەرا پارتیا دیموكراتا كوردستان سوریا , وپارتیا پێشڤەرۆا دیموكراتی كورد ل سووریێ گەلەك باشە , پێویستە بەردەوام بكن ,ژ بەر ئەگەر هەیە دەرئەنجامێن ڤێ پێنگاڤێ د پێشەرۆژێ دە ببنە سەدەما پێنگاڤا یەكەم ژ بۆ یەكرێزیا ناڤ مالا كوردی , وپارتیا پێشڤەرۆ ڤەگەرە ناڤا رێزین ئەنجوومەنا نشتیمانی یا كورد ل سووریێ .

ود لێدوانەكە تایبەت دە ژ بۆ ئاركێ شرۆڤەكارێ سیاسی منال حسكو راگەهاند داویا كریزا سووریێ چارەسەری یە , وپێویستە جڤین وپەیوەندی ناڤبەرا ئالیێن كوردی دە بەردەوام بن , وتەكەزی ل سەر ب دەستخستنە مافێن گەلێ كورد ل رۆژئاڤایێ كوردستانێ بكن .
هەروەها حسكۆ دازانین كو دەم هاتیە كو یەكرێزیا ناڤ مالا كوردی ب هێز ببە , ژ بەر كو گوهارتنێن مەزن وب باندرۆ ل سووریێ وێ وەرەنە ئەنجامدان , وئەركە ل سەر ئالیێن ناڤدەولەتی بەرژەوەندیێن كوردی ل پێشیا تەڤایا بەرژەوەندیان دەینن .

761