عهفرین .. گرووپێن چهكدار شوونوارێن گوندێ عهلبیسكێ ددزن
آرك نيوز .. گوندێن عهفرینێ یێن سینۆری كو راستی شهر وپهڤچوونێن گران هاتبوون وژبهر ئیریشێن ئهسمانی و بهژایی پرانییا خهلكێ گوندێن سینۆری گوندێن خوه بجه هشتن وبهرێ خوه دابوون ناڤهندا باژێر، وژ ور بهشهك مهزن بهرێ خوه دان گوندێن چیاێ لیلۆن ودهردۆرا حهلهبێ لێ پشتی راوهستاندا شهر بهشهك مهزن ههول دان ڤهگهرن گوندێن خوه لێ رێگری ژ ئالیێ پهیهدێ ل كامپێن دهربهدهرێن عهفرینێ ول ئالییهكێ دن رێگری ژ توركیێ و گرووپێن چهكدار ڤه هاته وتێنه كرن .
گوندێ عهلبیسكێ یێ ناڤچهیا راجۆ یهك ژ گوندێن كو رێگری ژ ئالیێ گرووپێن چهكدار ڤه تێنه كرن وناهێلن خهلكێ گوند ڤهگهرن جه ووار ومالێن خوه. د دهما پهیهدێ ده شوونوارێن گران لێ هاتن دیتن وئهشكهرهكرن .
ل گۆر ئاخهفتنا ژێدهرا تایبهت ژ ئاركێ گۆتیه كو ژ چهند ههیڤان ڤه ورێگری ژ ئالیێ گرووپێن چهكدار ڤه ژ خهلكێ گوندێ ره تێنه كرن وناهێلن ب چ شێوهی به تو مالبات دهرباسی گوند ببن ژ بهر كو ب ئامێر وئالاڤێن كۆلانێ و سهرپرهشتیا پسبۆرێن شوونواران وتشتێن كهڤنار كار د وی گوندی ده دكن و ژ چهند ههیڤان ڤه كارێ كۆلانێ دكن وشوونوارێن تێنه راكرن ژ خوه برنه ودزینه.
ژێدهرێ ههروهها سهربار كر كو ب تهنێ دوومالبات بهریا چهند رۆژان رێ دانه وان كو دهرباسی گوندێ خوه ببن ود چارچۆڤهیا مههێن بووری ب بهانهیا بناڤكرنا گوندێ عهلبیسكێ ب خالهكه لهشكهری رێگری دهاته كرن .
ژ دهسپێكا دهرباسبوونا گرووپێن چهكدار ژ ناڤ گوند وناڤچهیێن چیاێ كورمێنج وكارێ گۆلانێ ب مهبستا دهرخستنا شوونواران دكن وب تایبهت ناڤچهیا راجۆ وگوندێن وێ یێن سینۆری رێگری ب بهانهیا ههبوونا ماینان و خالێن لهشكهری ناهێلن خهلك ڤهگهرن وارێن خوه وب وێ یهكێ دگهینن ئارمانجا خوه د دزی وتالانكرنێ ده .
ش.ع
543
