نەتەێن یكگرتی ژ بلندبوونا ئامارێن توشبوونی بكۆرۆنا لسوریێ بفكارە

ارك نیوز .. نەتەوێن یكگرتی مەترسیا خوە ژ زێدەبوونا هەژمارا تووشبوویان بكۆرۆنایێ لسەرانسەری سوریێ نیشان دا .

نەتەوێن یكگرتی لسەر زارێ بەردەڤكێ ئەمینداری گشتی یێ ریخستنا ناڤدەولتی ستیڤان دۆچاریك دۆه سیشەمی بەردەوامیا مەترسیا خوە ژ بلندبوونا ئامارێن توشبوونی بڤیروسا كۆرۆنا ل تەڤایا ناڤچەیین سوریێ راگهاند .

ستیڤان دۆچاریك د كۆنگرەكی رۆژنەمەڤانی د ریێا ئۆن لاین رە گۆت ژبەر كێمبوونا ئامۆرێن تەندروستی بتایبەتی یین هەناسەیێ و تاقیگەهێن تایبەت ب كۆرۆنایێ ئەگەرەك مەزن هەیە كو رۆژ ب رۆژ هەژمارا توشبوویان ب كۆرۆنا لسوریێ بەر ب زێدەبوونی ڤە بچە ژبەر ڤی یەكێ ئەو بفكارك ژڤێ رەوشا تەندروستی یا خراب لتەڤایا سوریێ.

دۆچاریك ئەشكەرە كر كو لگۆری راگهاندنا وەزارەتا تەندروستیا رێژیما ئەسەد حەتا نها هەژمارا گشتی یا پیكەتیان بكۆرۆنا گهشتیە دوو هەزار و دوسەد ونۆت وسێ كەسان ژ وان نۆت ووو كەس جانێ خوە ژ دەست دانە و پێنسەد و نوزدە كەس ژی باش بوونە .

دیار كر ژی كو وەكو پشتەڤانیەكی ژ گەلێ سوریێ رە سندوقا نەتەوێن یكگرتی یا مرۆڤی لسورێی بیست ودسێ ملیۆن یۆرۆ تەرخانكریە ژبۆ دام ودەزگەهێن تەندروستی و ئاڤ و پاقژی و خوارن و خزمەتگوزاریین لۆجستی لسوریێ ژبۆ رێگریكرن ل بەلاڤبوونا زێدە یا ڤیروسا كۆرۆنا لسەرانسەری سوریێ .

بەردەڤكێ ئەمیندارێ گشتی یێ رێخستنا ناڤدەولتی سەربار كر وگۆت ژی پرۆگراما خوارنێ یا جیهانی ژی چالاكی و كارێن خوە بەرفرەهتركریە مینا بەلاڤكرنا خوارنی لسەر ناڤەندێن كەرەنتینەكرنێ هەروەها رێخستنا تەندروستیا جیهانی ژی بریار ورێكارێن كو ژ ئالیێ نەتەوێن یكگرتی ڤە تێن دەرخستن ل بەرچاڤ دگرە وان ریكاران جیبجی دكە ژبۆ رێگریكرن ل بەلاڤبوونا كۆرۆنا لسوریێ بتایبەت ل دەڤەرێن لباكورێ رۆژاڤایێ سوریێ و دەڤەرێن كو ل باكورێ رۆژهەلاتێ سوریێ دكەڤن .


ژ ئالیێ خوەڤە ژی وەزارەتا تەندروستیێ یا رێژیما سوریێ پێكەتنا حەفتێ و دوو كەسێن دن بكۆرۆنا و ژیانژدەستدانا سێ كەسین دن راگهاند كو بڤی یەكی هەژمارا گشتی یا پێكەتیان گهشتیە دوهەزار و سێسەد و شیست وپێنج كەسان ، لسەر ئاستا جیهانی ژی حەتا دەرەنگیا شەڤا بووری هەژمارا گشتی یا پێكەتیان لسەرانسەری جیهانی گهشتبوو بێهتری بیست و سێ مەلیۆن كەسی ژ وان 820 هەزار كەس مرنە و 16 ملیۆن و473 هەزار كەس ژی باش بوونە .

304