ل قامشلۆ رژيمێ دهست بگرتنا جوانان گريه
مهترسیا گرتنا جوانێن كورد ژ ئالیێ رژیما ئهسهد ڤه ل ناڤچهیێن رۆژئاڤایێ كوردستانێ دیسان دهردكهڤه هۆلێ, و بخوهره ژی گهلهك پرسیاران تێنه هۆلێ.
ئهڤه دوو رۆژن رژیما ئهسهد دهست ب هلمهتهكه گرتنا جوانان ل باژارێ قامشلۆ یێ رۆژئاڤایێ كوردستانێ كریه و ژبۆ وێ یهكێ رێبهندێن خوه توند و بهرفرههتر كرنه.
ل گۆری ئاگاهیێن ئاركێ كو ژ دوه ڤه رژیمێ بدههان جوان و داخوازكریێن لهشكهریا نهچاری ل باژارێ قامشلۆ گرتنه و بهرهڤ سهربازگههێن خوه ڤه برنه, هن زانیاری ژی دبێژن كو رژیم وان گرتیان یهكسهر ب رێیا بالافرخانهیێ ڤهدگوهێزه شامێ.
ههر لگۆری ئاگاهیان, كور ژیم ل رێبهندا فلكهیا دهرگههێ نسێبین ل قامشلۆ و ل نیزیك نانخانهیا رۆژئاڤایی ههروهها ل رێبهندا تهرتهب كو دو كیلۆمهتهریان دووری قامشلۆ یه, ههروهها ل فلهكهیا زۆرێ و نهخوهشخانهیا قامشلۆ یا نشتیمانی جوانان و داخوازكریێن لهشكهریا نهچاری دگره.
بهرفرههكرنا هلمهتێن گرتنا جوانان ژ ئالیێ رژیمێ ڤه ههڤدهمێ وێ یهكێ تێ كو پهیهدێ بهحسا دانوستاندنان ب رژیمێ ره دكه, رژیمێ ژی گهف خواربوو كو ئهگهر ههموو ناڤچه ب دانوستاندنان ڤهنهگهرن ل ژێر كۆنترۆلا وێ , ئهوێ ب هێزێ وان ناڤچهیان ڤهگهرینه.
ل رۆژئاڤایێ كوردستانێ ژبهر لهشكهریا رژیمێ ژ ئالیهكێ ڤه و لهشكهریا پهیهدێ ژ ئالیهكی دن ڤه, ب ههزاران جوانێن كورد كۆچبهر بوونه و دووری خوهندنا خوه ژی كهتنه.
ههروهها ب ههزاران جوانێن كورد یێن كهچ و كور كو ژ ئالیێ پهیهدێ ڤه ژبۆ لهشكهریێ هاتبوون رهڤاندن ل ناڤچهیێن دهرڤهیی رۆژئاڤایێ كوردستانێ مینا تهبقا, منبج, رهقا و دێرازۆرێ د شهران ده هاتنه شههیدكرن.
441