ليبرمان: ئيران چالاكيێن خوه ل سووريێ كێمكرنه
وهزیرێ دهرڤه یێ ئیسرائیلێ ئهفیگدور لیبرمان راگهاند كو ژ بهر ئوپراسیونێن ئیسرائیلی وتێكچونا رهوشا ئیرانێ یا ناڤخوهیێ ههروهها سزایێن ئهمریكی ل سهر وێ , ئیران بهلاڤبونا خوه یا دهم درێژ ل سوریێ كێم كریه .
لیبرمان ژ روژنامهیا یدیعوت احرونوت ره دیار كر كو ئیران چالاكیێن خوه ل سوریێ كێم كرنه وئهشكهره كر كو نهها تو چالاكیێن وان ل سوریێ نینن لێ ئهو دخوازن كارگهههكه چێكرنا توپان ل سوریێ ئاڤا بكن .
لیبرمان تهكهز كر كو بهنداڤێن ئیران ل سوریێ نینه ههروها فروكخانهیێن وان ژی نینه لێ ئهو ههولا ئاڤاكرنا بنگههێن لهشكهری ل سوریێ ب ریا دانوستاندنێ ب رێژیما سووریێ ره دكن .
لیبرمان ههروهها دیار كر كو نهها فشارهك ئابوری مهزن ل سهر ئیران ههیه كو بهریا نهها ئیران بێهتر ژ دو ملیار دولار ژ بو روژهلاتا ناڤین نهرخاند بو لێ نهها ئهو پاره ل بهر دهستێ وێ نینه .
دهربارێ پێشهروژا دهڤهرێ لیبرمان بالكشاند سهر وێ یهكێ كو دهما قوناغا دوهم ژ سزایێن ئهمریكی ل سهر ئیران دهست پێ بكه وێ رهوشا ئیران خرابتر ببه وێ دهمێ وێ ئالیكاریا وان ژ حزب الله ره وهره كێم كرن ههروهها وێ باندورا وێ ل سهر ههبونا وێ ل سوریێ ژی ههبه .
لیبرمان د داویا ئاخافتنا خوه گوت كو سهدهما سهرهكه ژ كێمبوونا چالاكیێن ئیرانی د سووریێ ده ئهوه كارێ ئیسرائیل یێ روژانه د سووریێ ده .
489
