بۆگدانۆف: دڤێ ئارتێشا سووريێ رۆژهلاتێ فراتێ كۆنترۆل بكه
رۆسیا دبێژه دڤێ ئارتێشا سووریێ رۆژهلاتێ چهمێ فراتێ كۆنترۆل بكه, پشتی دهركهتنا ئهمهریكا ژ سووریێ .
جیگرێ وهیزێ دهرڤه یێ رۆسیێ میخائێل بۆگدانۆف دوه د داخویانیهكێ ژبۆ رۆژنامهڤانان گۆت دڤێ ئارتێشا سووریێ ههموو ناڤچهیێن رۆژهلاتێ فراتێ پشتی دهركهتنا ئهمهریكا كۆنترۆل بكه.
بۆگدانۆف ههروهها گۆت ئهگهر ئهمریكی دبێژن وان داعش ژناڤبریه , كێشه د كوودهرێ ده یه؟ ناخوه ئارمانج ژ مانا وان ل سووریێ چیه؟
ههر د ڤێ دهربارێ ده وهزیرێ دهرڤه یێ رۆسیێ سێرگي لاڤرۆڤ د كۆنگرهكی رۆژنامهڤانی لگهل ههڤشانێ خوه یێ سووریێ وهلید ئهلموعهلم گۆت ههبوونا ئهمریكی و رۆژئاڤایی ل سووریێ نهرهوایی یه و ئاماژه ب وێ یهكێ دا كو ئهمهریكیان گهلهك جاران سۆزا ڤهكشاندنێ ژ سووریێ دانه لێ بههانهیێن جۆر بجۆر ژبۆ مانێ دهردخن .
ههلوهستا رۆسی لدژی مانا ئهمریكیان ل سووریێ ههڤدهمێ وێ یهكێ تێ كو وزارهتا دهرڤه يا ئهمهريكا سهرهدانا شاندهكه وهلاتێ خوه ژبۆ شامێ نهراست كر و ئهو يهك ب بهرۆڤاژيێ ستراتهجيا حكوومهتا ئهمريكي يا د ڤێ دهمێ ده بناڤكر .
بهردهڤكا وزارهتا دهرڤه يا ئهمريكي هێزر ناورت د داخويانيهكه رۆژنامهڤاني ده گۆتبوو كو راپۆرت هاتنه بهلاڤكرن و دبێژن بهرپرسنه ئهمريكي سهرهدانا شامێ د حزێرانا بۆري ده كرنه داكو بهرپرسنه سووريێ ببينن نهراسته .
ناورت ههروهها گۆتبوو ئهو راپۆرت دووري راستيێ نه و نه لگۆري ستراتهجيا ئهمريكي يا د ڤێ دهمێ دهيه و تو ئاگاهيا وێ ژ جڤينهكه ب وی ئاواي تونهيه .
ژ ئالیی خوەڤە جيگرێ وهزيرێ دهرڤه يێ رۆسيێ ميخائێل بۆگدانوف ژي گومانا خوه ب وێ يهكێ نيشان دابوو و گۆت ب نهرينا وێ نووچهيا سهرهدانا شاندهكه ئهمريكي بۆ شامێ بهرههڤكريه و نهراسته .
346
