شاندهك ژ سهرۆكاتيا ئهنهكهسه سهرهدانا رێخستنا ئاسۆري كر
شاندهكه سهرۆكاتيا ئهنجومهنا نشتيماني يا كوردي ل سووريێ سهرهدانا رێخستنا ئاسۆري يا ديموقراتي ل باژارێ قامشلۆ كر .
دوه شاندهك ژ سهرۆكاتيا ئهنهكهسه كو ژ ههر ههيهك ژ سعوود مهلا سهرۆكێ ئهنجومهنێ و ئهندامێن دهستهيا سهرۆكاتيێ فێسهل يووسف, نعمهت دائوود و عبوسهمهد خهلهف برۆ پێك دهات سهرهدانا ئۆفيسا رێخستنا ئاسۆري يا ديموقراتي ل باژارێ قامشلۆ كر و ژ ئاليێ كهبرئێل مووشيێ ئهندامێ پۆليتبيرۆيا رێخستنا ئاسۆري و ههر يهك ژ دائوود دائوود و حهنا حهنا ڤه هاتن پێشوازيكرن .
د سهرهدانێ ده كريار و بنپێكرنێن ڤێ داويێ يێن پهيهدێ دهرحهقێ دبستانٍن خرستياني هاتن گهنگهشهكرن كو ههردوو ئاليان تهكهزي ل سهر وێ يهكێ كرن كو رێبازێن پهيهدێ نهياسايي و نهفهرمي نه و ئهو پێنگاڤ جهێ شهرمهزاريێ نه
ههردوو ئاليان ههروهها تهكهزي ل سهر ئاشتيا جڤاكي و رێگرتن ل پێش ئهجندايێن گوركرنا ناكۆكيان .
رۆژا بیست و ههشتێ تهباغا دوههزار و هژدههان چهكدارنه رێڤهبهریا پهیهدێ دناڤ ده چهكدارنه سۆتۆرۆ یێن پارتیا یهكیتی یا سریانی كو بسهر رێڤهبهریا پهیهدێ ڤه نه ئێریشی دبستانێن سریانی یێن تایبهت ل تاخێن ئهلوستا و غهربیه و ئهربهویه یێن باژارێ قامشلۆ كرن و كادر و كارمهندێن وان دبستانان دهركرن و ئهو دبستان دهستهسهركرن و ئهو یهك ژی بوو جهێ نهرازیبوونا سریانێن ئاشۆر و خوهنیشاندانهك ل پێش دبستانا ئهلئهمهل یا تایبهت لدارخست و چهكدران گوله ل سهر وان بهردان .
پۆلیتبیرۆیا رێخستنا ئاسۆری د داخویانیهكێ ده ئهو بنپێكرن شهرمهزار كرن و ب هۆڤانه بناڤكر و بانگ ل رێڤهبهریا پهیهدێ كر كو دهڤ ژ رێبازا خوه یا كو خزمهتا تو ئالیان ناكه, بهرده, و گۆت ئهو سیاسهتێن وێ بوونه سهدمهم كو گهلهك مالبات بهرهڤ پارێزگههێن دن ڤه بچن یان كۆچبهر ببن ژبۆ خوهندنا زارۆكێن خوه.
پۆلیتبیرۆیا رێخستنا ئاسۆری ههروهها بانگ ل پارتیا یهكیتی یا سریانی كر كو ل بویهرا كو روودای دووری ناكۆكیێن پارتیانه, ڤهگهرن, و خوه دووری خوهفهرزكرنێ بكن.
568
