عهفرین .. سێ چێگرێن سهرۆكێن ئهنجومهنێن خوهجهی هاتنه ئارمانجكرن
آرك نيوز .. ژ رۆژا دامهزراندنا ئهنجومهنێن خوهجهی یێن عهفرینێ وههردهم ئاستهنگی ورێگری ژ كارێ وان ره ژ ئالیێ گرووپێن چهكدار ڤه تێنه دروست كرن وهن جاران دگهه ئاستا كو راستی لێدان وئهشكهنجهیێ وهرن وتا نها دوو ژ ئهندامێن ئهنجومهنێن خوهجهی هاتنه تهرۆركرن ویهك هاتیه ئهشكهنجهكرن ژكهسێن هاتنه تهرۆركرن یهك ژ وان هاتیه بهلگهكرن كو ب دهستێ گرووپێن چهكدار هاتیه تهرۆركرن وئهندامهكی دن ژی تهڤی ل خوه گرتنه گرووپهك سهر ب پهیهدێ ڤه ل نههاتیه دیاركرن كو كیژان ئالی ئهو تهرۆر كریه ونه زهلالییهك دهربارێ تهرۆركرنا وی ده ههیه .
دوه رۆژا چارشهمێ 29/8/2018 دوو چهكدار دهردۆرا 11 شهفێ ب ماتۆرێن خوه ئێریش برن سهر مالا پارێزهر داوود عومهر كو ب خوه جیگرێ سهرۆكێ ئهنجومهنا خوهجهی یا ناڤچهیا مابهتا یه و ژ بهر لێدانێ راستی شكاندن د لاشێ خوه ده هاتبوو ههروهها ژبهر دهستێوهردانا ههڤژینا وی ژ بوویهرێ ره راستی هن برینێن بچووك هاتبوو وژبۆ نۆرینگهها ناڤچهیێ هاتن ڤهگوههستن
د 6/8/2018 پارچه ڤیدیۆیهك هاته بهلاڤكرن تێده گرووپهك سهر ب پهكهكه ڤه ب ناڤێ غهدهب زهیتوون تهرۆركرنا جیگرێ سهرۆكێ ئهنجومهنا خوهجهی یا ناڤچهیا شهرا عهكاش حهجی ئهحمهد و ل خوه گرت
و دهما خهلكێ گوند بهرێ خوه دان جهێ بوویهرێ تهرمێ وی ل وێ دهرێ تونه بوو
وتهڤی ل خوه گرتنا گرووپا غهدهب الزهیتوون و بهلاڤكرنا مالپهرێن پهیهدێ وهك مالپهراهاوار ژ نووچهیێ ره لێ تا نها نه زهلالییهك دهربارێ تهرۆركرنا وی ده ههیه و هن ژێدهر دبێژن كو عهكاش هین د ژیانێ ده یه وب تهنێ پهیهدێ تهرۆركرنا وی ل خوه گرتیه ویا راست ئهو ه كو كهسێن پێ رابوونه نه ژ پهیهدێ نه .
د رۆژا دوشهمێ 11/8/2018 پشتی ههلمهتا گرتن وبنچاڤكرنێ ژ ئالیێ گرووپا چهكدارێن عهمشات ڤه سهر ناڤهندا ناڤچهیا شیی و گرتنا ب دههان وهلاتیێن كورد یێن شیی وپشتی لێدان وئهشكهنجهیا وهلاتییان د زیندانان ده كو ژ وان سهرۆكێ ئهنجومهنێ خوهجهی یا شیێ ئهحمهد حهسهن و چێگرێ وی ئهحمهد شێخۆ ژی ههبوو و ژبهر برینێن چێگرێ ئهنجومهنا خوهجهی یا ناڤچهیا شییێ ئهحمهد شێخۆ یێن گران ژیانا خوه ژ دهست دا وشههید بوو .
ژ بلی تهرۆركرن ولێدانا گرووپێن چهكدار رێگری ژ كارێ ئهنجومهنان ره دروست دكن و ژبهر دهستێوهردانا وان چهكداران ژبۆ كاروبارێن ئهنجومهنا خوهجهی یا ناڤهندا باژارێ عهفرینێ د 1/8/2018 ئهنجومهنا خوهجهی كارێ خوه راوهستاند داكو مهرجێن خوه وهرهن جیبجیكرن كوئهو یهك ژ بهر دهستێوهردانا چهكدارێن سێخوری وئهلكاریێ ژ كارێ ئهنجومهنان ره هاته كرن .
تهڤێ تونهبوونا رێكارێن گونجاو وكێمبوون ولاواز بوونا ئالیكارییان ژ بۆ ههر حهفت ئهنجومهنان ره عهفرین شیێ راجۆ جندرێسێ شهرا بلبلێ موباتا لێ دكارێ خوه بهردهوامن وههردهم ول گۆر كارین وشیانێن خوه ئالیكاریان ژ كوردێن عهفرینێ ره و دهربدهرێن عهرب ره پێشكێش دكن .
ش.ع
914
