تهقینهك باژارێ عهفرینێ ههژاند
آرك نيوز .. د چارچۆڤهیا 14 رۆژان ده سێ تهقینێن ب هێز ناڤهندا باژارێ عهفرینێ ههژاندن كو د ئهنجامدا شههید بریندار وزیانهك مهزن گهشت مال وملكێن وهلاتیێن عهفرینێ ویاههری داویێ شهفا پێنشهمێ رۆژا چارشهمێ 29/8/2018 بوو .
ژێدهرهكه تایبهت ژ ناڤه باژارێ عهفرینێ ژ ئاركێ راگهاند كو تهقینهك ب هێز ناڤهندا باژێر ههژاند كو ل سهر ریا راجۆ نێزیك نانپێژگهها ئهبوو عیماد ل جهم دبستان ریفیێ و فێسهل قهدوور بوو و د ئهنجاما وێ تهقینێ ههژمارهك وهلاتیێ بوونه قوربانی وزیانهك مهزن گهشت مالێن وهلاتییان .
ژێدهرێ ئاماژه ب وێ یهكێ كر وگۆت كو قوربانیێن تهقینا دهمژمێر دهرۆرا نههێ شهڤێ روودا بوو ژ دهربدهرێن عهرب بوون ودهنگێ ئۆتۆمبێلێن هاوهرچوونێ دهاته بیستن وبریندار بهرڤ توركیێ دهاتن شاندن .
د یهكهم رۆژا جهژنا قوربانێ ده 21/8/2018 تهقینهك وهها ل دهمژمێر 8.20 روودا بوو وئهو ژی ل سهر ریا راجۆ ل ناڤهندا بازار نێزیك دهرمانخانهیا هاشم چێبووبوو ود ئهنجاما وێ ده بریندار ههبوون و زیانێن مادی هاتبوون تۆماركرن .
د 15/8/2018 تهقینهك ب هێز ل سهرێ دبستانا فێسهل قهدوور ئهو ژی سهر ریا راجۆ نێزیك دهوارا نهورۆز دهمژمێر 11.4 خولهكان ده چێبوو بوو و زیان ب تهنێ مادی بوو و تو كهس راستی زیانێ نههاتبوو .
ژ 15 ههیڤا تهباخێ ده وتا 29 ههمان ههیڤێ ئانگۆ د چارچۆڤهیا 14 رۆژان ده سێ تهقین ل ناڤهندا باژێر هاتن روودان و تا نها نه هاتیه دیاركرن كو كیژان ئالی ب ڤان تهقینان رادبن ومهبستا وان چی یه .
ش. ع
553
