دێرك .. مانگرتنهك دژی بریارا پهیهدێ ژ داخستنا دبستانێن سریانان
ل گەل نێزیكبوونا وەرزێ نوو یێ خوەندنێ چەكدارێن پەیەدە ئیریش كرنە سەر دبستانا سریانیان ودبستان داخستن .
ل گۆری زانیاریێن كو ب دەستێ ئاركێ گەهشتنە ئیرۆ 28/8/2018 ل باژارێ دێركێ یێ رۆژئاڤایێ كوردستانێ چەكدارێن پەیەدە ئێریشكرنە سەر دبستانا سریانیان ودبستان داخستن , وب ڤێ چەندێ دبستان د رووێ شاگرتان دە هاتە گرت
بەریا دەمەكێ پەیەدە هۆشداری دابوونا رێڤەبەریا دبستانا سریانیان كو دڤێ ئەو ب رێبازێن خوەندنێ یێن تایبەت ب پەیەدە ڤە پابەندن , لێ رێڤەبەریا دیستانا سریانیان ئەو چەند رەتكر .
هەر گرێدایێ ب مژارا داخستنا دبستانا سریانیان ژ ئالیێ پەیەدەڤە مانگرتنەك د ههمان رۆژێ ده ل باژارێ قامشلۆ هاتە ل دارخستن .
ژێدەرێن تایبە ب ئاركێ راگەهاندن كو ئیرۆ دەم ژمێر پێنجێ ئێڤاری ل پێشیا خوارنگەها مەیامی ل قامشلۆ وەكە نەرازیبوونەكێ ل سەر بریارا داخستنا دبستانا سریانیان ژ ئالیێ پەیەدە ڤە مانگرتنەكە جەماوەری ل دژی بریارێ هاتە ل دارخستن .
ل گۆری ژێدەرا تایبەت راگەهاندنی پشتی مانگرتنی جەماوەر وێ بەرێ خوەدە بدە دێرا السیدە العزراْ تاخا الوستی ل باژارێ قامشلۆ.
931
