كۆبانێ .. 2 سال سهر تهرۆركرنا ئهندامكی پهدهكهسێ وچارێ دن ل سهر دهستێ داعشێ ره دهرباس دبن
آرك نيوز .. د رۆژهكه وهكه ئیرۆ ده بهریا دووسالان 26/8/2016 ان ده رێخستنا داعش یا تهرۆری ب كارێ تهرۆركرنا پێنج وهلاتیێن سووریێ سێ ژ وان كوردن ودوو ژی عهربن رابوو ژناڤ وهلاتیێن كو راستی تهرۆركرنێ هاتنه دوو كوردێن كوبانێ نه ویهك ژ كوردێ بابێ یێ رۆژههلاتێ حهلهبێ یه و دوو وهلاتیێن عهرب یێ سووریێ نه كو ل باژارێ رهققای ب شێوایهكی هۆڤانه هاتن تهرۆركرن .
رێخستنا داعش د سالا دووهەزار و چاردان دە دەستێ خوە دانی سەر گەلەك دەڤەران ل سووریێ و عراقێ و هن ناڤچەیێن رۆژئاڤا و باشوورێ كوردستانێ ژی كۆنترۆل كرن.
ب دەست دانیینا وێ رێخستنێ ل سەر هن دەڤەران ل رۆژئاڤایێ كوردستانێ مینا كۆبانێ و گرێ سپی گەلەك وەلاتیێن رۆژئاڤایێ كوردستانێ وەكو دیل هاتنه گرتن د دەستێ داعشێ دە چەكدارێن رێخستنا تهرۆریست یا داعشێ وەلاتیێن كورد ئهشكهنجه دكرن تا نها ژی ب سەدان وەلاتیێن كورد یێن رۆژئاڤایێ كوردستانێ د دەستێ رێخستنا ناڤبووری دەنە هاتنه شههیدكرن .
چەكدارێن داعش ڤیدیۆیەك سەر مالپەرێن خوە بەلاڤكر و تێدە تهرۆركرنا پێنج وەلاتیێن سوریێ راگهاند كو دوو وەلاتی ژ وان خەلكێ باژارێ كۆبانێ و وەلاتیەكی دن ژ باژارێ بابێ یێ رۆژههلاتێ حهلهبێ بوو ههروهها دوو وەلاتیێن دن ژی عەرەبێن سوریێ بوون ژوان وهلاتیێ ب ناڤێ حەجی عەلی عیسا و خەلیل ئیبراهیم خەلیل كو خەلكێ باژارێ كۆبانێ نە و یهحیا گەنجۆ ژ باژاراێ بابێ یە و هەردوو وەلاتیێن عەرەب یێن بناڤێ شهمس الدین خهلیل كو خەلكێ گوندەوارێن منبج و مووفق الصالح ژ گوندێ قەریەتێن نە بەلاڤكر و د رییا وێ ڤیدیۆیێ رە مالباتێن وان نووچەیا شەهید بوونا وان بهسیتن .
حەجی عەلی عیسا یێ ژ داییكبوویێ سالا 1996ان ە د رۆژا بیست و شەشێ مەها شەشان یا سالا دوو هەزار و چاردەهان دە كەتبوو د دەستێ رێخستنا داعش دە خەلكێ گوندێ بیر ناصر یێ گوندەوارێن باشوورێ رۆژهەلاتێ كۆبانێ یە ژ هۆزا حەیدەراتە و ئەندامێ پارتیا دهمۆقراتا كوردستان سووریا بوو .
پشتی گرتنا وی ژ ئالیێ داعش ڤە چەكدارێن پەیەدێ ژی باڤ و برایێ وی د وی دەمی دە گرتن و لیكۆلین ب وانرە كرن كو حەجی عیسا پەیوندیێن وی ب داعش رە هەبوو .
چەكدارێن داعش حەجی عەلی عیسا چەند جاران دناڤبەرا باژارێن باب و رەقایێ ڤە ڤەگوهەستنە حەتا كو د داویێ دە ل باژارێ رەقایێ ل سەر دەستی زارۆكەكی هاتە تهرۆركرن .
یەك ژ كەسێن دن یێن كو تەرۆریستێن داعش ئەو تهرۆر كربوون خەلكێ باژارێ كۆبانێ یه ب ناڤێ خەلیل ئیبراهیم خەلیل یێ پێنجی سالی بوو و خەلكێ گوندێ قەرەمۆغ یێ رۆژهەلاتێ كۆبانێ بو و ل باژارێ منبج كارێ بازرگانیێ دكر خەلیل ابراهیم خەلیل لگەل كورێ خوە كامیران ب تۆمەتا پەیەدێ هاتبو گرتن تەڤی كو ئەو بەرێ ئەندامێ پارتیا ئازادیا كورد ل سووریێ بو و كارێ بازرگانیێ ل منبج دكر .
وەلاتیێ دن یێ كورد كو داعش ئەو تهرۆركربوو د ڤیدیۆیا داعش دە دیار دبە یەحیا گونجۆ یە خەلێ دەڤەرا بابێ یێ رۆژههلاتێ حهلهبێ بوو چەكدارێن وێ رێخستنا تەرۆری یەحیا گرتبون و تەنێ ژبەر كو ئەو كورد بوو هاتبوو گرتن وههر پێنچ ناڤبووری لسەر دەستێ پێنج زارۆكێن كو هەر یەك ژ وەلاتەكی بوو ل رەقایێ ب شێوایهكی هۆڤانه هاتن تهرۆركرن .
چەكدارێن رێخستنا تەرۆری یا داعش دیلێن كورد دناڤبەرا باژارێن دبن كۆنترولا خوه ده ڤهدگوهزاند ود و دهما مانا وێ رێخستنا تهرۆری گهلهك زیان ل وهلاتیێن كورد وعهرب ل دهڤهرێن رۆژههلاتێ سووریێ ورۆژههلاتێ حهلهبێ و باژارێن كوردی ده گهاندن وان.
وتا نها هێن ب سهدان وهلاتیی بێ چارهنڤیسن و هیڤیا مالباتێن وان كو چاڤێن خوه ب دیتنا كورێن خوه كلدن .
ش.ع
1057
